ဓနုဒေသ ပင်းတယမြို့၌ ၁၀၄ နှစ်မြောက် အမျိုးသားအောင်ပွဲနေ့ အထိမ်းအမှတ်အခမ်းအနားကျင်းပ

ပင်းတယ၊ နိုဝင်ဘာ ၂၅

ရှမ်းပြည်နယ်(တောင်ပိုင်း)၊ ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့၊ ဆူးဗိုလ်ကုန်းရပ်ကွက် အမှတ်(၁) အထကကျောင်း၊ မြတ်ရတနာခန်းမဆောင်၌ (၁၀၄)နှစ်မြောက် အမျိုးသားအောင်ပွဲနေ့ အထိမ်းအမှတ်အခမ်းအနားအား ယနေ့၁၃၈၆ခုတန်ဆောင်မုန်းလပြည့်ကျော်၁၀ ရက်နေ့ နံနက် ၉နာရီအချိန်တွင် ကျင်းပခဲ့သည်။

အခမ်းအနားတွင် အမှတ်(၁)အခြေခံပညာအထက်တန်း(ပင်းတယ) မှ ကျောင်းသား/ကျောင်းသူလေးများတို့က "ဇာတိမာန်"တေးသီချင်းကို သီဆိုဖျော်ဖြေ ဖွင့်လှစ်ပေးခဲ့ပြီး မြို့နယ်စီမံအုပ်ချုပ်ရေးအဖွဲဥက္ကဋ္ဌ ဦးထိန်လင်းအောင်က ပြည်ထောင်စုသမ္မတမြန်မာနိုင်ငံတော်အစိုးရ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ၊ နိုင်ငံတော်ဝန်ကြီးချုပ် ဗိုလ်ချုပ်မှူးကြီး သတိုးမဟာသရေစည်သူ၊ သတိုးသီရိသုဓမ္မ မင်းအောင်လှိုင်ထံမှ (၁၀၄)နှစ်မြောက်အမျိုးသားအောင်ပွဲနေ့ အခမ်းအနားသို့ပေးပိုလာသည့် သဝဏ်လွှာအား ဖတ်ကြားတင်ပြသွားသည်။

အမျိုးသားအောင်ပွဲနေ့ အထိမ်းအမှတ် စာစီစာကုံးနှင့် ကဗျာပြိုင်ပွဲများတွင် ပါဝင်ယှဉ်ပြိုင်၍ ဆုရရှိခဲ့ကြသည့် (ထက်~လယ်~မူ)ကျောင်းသားကျောင်းသူများအား (ပ+ဒု+တ)ဂုဏ်ပြုဆုငွေများကို ဒေသပညာရေးမှူး ဦးခင်ဇော်ထွန်း၊ မြိုနယ်စီမံအုပ်ချုပ်ရေးအဖွဲ့ ဥက္ကဋ် ဌဦးထိန်လင်းအောင်နှင့် အဖွဲဝင်(၁) ဗိုလ်မှူးဇာနည်စိုး တို့က ပေးအပ်ချီးမြင့်ခဲ့ကြပြီး အထက-ပင်းတယ ကျောင်းသား/ကျောင်းသူလေးများတို့က "မြန်မာ့ကျောင်း" တေးသီချင်းဖြင့် သီဆိုဖျော်ပေးကြ၍ အခမ်းအနားအောင်မြင်စွာရုတ်သိမ်းခဲ့ကြသည်။

သတင်း - PK

Join - https://t.me/MyanmarNationalPost