မြန်မာ - အိန္ဒိယ နယ်စပ်တွင် သူပုန်အဖွဲ့များထံ ပို့ဆောင်မည့် ဖောက်ခွဲရေးပစ္စည်း အမြောက်အများ ဖမ်းဆီးရမိ

နေပြည်တော်၊ နိုဝင်ဘာ ၇

နိုဝင်ဘာ ၆ ရက်မနက် ၄ နာရီအချိန်ခန့်က အိန္ဒိယနိုင်ငံ မီဇိုရမ်ပြည်နယ် မီဇိုရမ်ရဲတပ်ဖွဲ့နှင့် အာသံရိုင်ဖယ်တပ်သားများသည် Serchhip မြို့ Sailiamkawn ဧရိယာတွင် ဖောက်ခွဲရေးပစ္စည်းများ အများအပြားကို သိမ်းဆည်းရမိခဲ့ကြောင်း The Times of India သတင်းဌာန၏ ဖော်ပြချက်အရ သိရသည်။

ဖောက်ခွဲရေးပစ္စည်းအများအပြားတင်ဆောင်လာသောကားတစ်စီး ကို အာသံရိုင်ဖယ်တပ် က ရပ်တံ့ရှာဖွေရာ TNT ယမ်းထုတ် ၁၀၀၀၀ စီပါ သော သေတ္တာ ၄၈ လုံး နှင့် စနက်ကြိုး တစ်ခွေလျှင် ၁၉၀၀ မီတာ ပါ ၅ လိပ် ၊ စနက်တန် ၉၄၀၀ တောင့် ၊  လူ ၂ ဦးကို ဖမ်းဆီးရမိခဲ့ကြောင်း၊ ဖောက်ခွဲရေးပစ္စည်းများကို မြန်မာဘက်ခြမ်းရှိ အစိုးရဆန့်ကျင်နေသော သူပုန်အုပ်စုများထံ ပို့ဆောင်ရန်ဖြစ်ကြောင်း  ဖော်ပြထားသည်။

သတင်းစာ၏ အဆိုအရ ဖမ်းဆီးရမိသူ ၂ဦးကို အမှုဖွင့် အရေးယူထားကြောင်း သိရသည်။

Join - https://t.me/MyanmarNationalPost