ဒဂုံဆိပ်ကမ်း ၊နိုဝင်ဘာ ၂၃
ရန်ကုန်တိုင်းဒေသကြီး၊ ဒဂုံမြို့သစ် (ဆိပ်ကမ်း) မြို့နယ်၌ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဦးဆောင်၍ ဒဂုံမြို့သစ် (ဆိပ်ကမ်း) မြို့နယ်တည်ထောင်ခြင်း နှစ် (၃၀) ပြည့် ပုလဲရတုအထိမ်းအမှတ်အဖြစ် မဂ္ဂဇင်းထုတ်ဝေနိုင်ရေး လုပ်ငန်းညှိနှိုင်းအစည်းအဝေးကို ယနေ့နေ့လယ် ၁ နာရီက လူထုအခြေပြုဗဟိုဌာန (Community Center) ခန်းမ၌ ကျင်းပခဲ့သည်။
ဆွေးနွေးပွဲတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ မြို့နယ်ဦးစီးမှူး ဦးစည်သူမောင်မောင်က မဂ္ဂဇင်းထုတ်ဝေနိုင်ရေးအတွက် မြို့နယ်စာရေးဆရာအသင်းမှ စာရေးဆရာများအပြင် ပြင်ပစာရေးဆရာများ ဖိတ်ခေါ်၍ စာမူများ၊ ဝတ္တု၊ ပန်းချီ၊ ကာတွန်းများဖြင့် ဝေဝေဆာဆာဖော်ပြပေးနိုင်ရေး ဆွေးနွေးခဲ့သည်။ ဆက်လက်၍ မြို့နယ်စာရေးဆရာအသင်းဥက္ကဋ္ဌက မဂ္ဂဇင်းတွင် သုံးမည့်စာမူများအား စိစစ်ရွေးချယ်နိုင်ရေးဘုတ်အဖွဲ့များဖွဲ့စည်းနိုင်ရေး၊ စာမူများအား သတ်မှတ်ရက်စွဲတွင် လက်ခံစိစစ်ဆောင်ရွက်နိုင်ရေး ဆွေးနွေးခဲ့ပြီး တက်ရောက်လာကြသော စာရေးဆရာအသင်းနာယကနှင့် စာရေးဆရာများက မဂ္ဂဇင်းထုတ်ဝေနိုင်ရေးအတွက် လိုအပ်ချက်များအား ဖြည့်စွက်ဆွေးနွေးခဲ့ကြသည်။ အဆိုပါ ဒဂုံမြို့သစ် (ဆိပ်ကမ်း) မြို့နယ် နှစ် (၃၀) ပြည့် ပုလဲရတုအထိမ်းအမှတ် မဂ္ဂဇင်းအား ၂၀၂၅ ခုနှစ် ဇန်နဝါရီလတွင် ထုတ်ဝေနိုင်ရေး ဆောင်ရွက်သွားမည်ဖြစ်သည်။ ထို့နောက် မြို့နယ်စာရေးဆရာအသင်းမှ ၎င်းတို့ရေးသားထားသော သုတ/ရသ စာအုပ် (၂၀) အား မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန စာကြည့်တိုက်အား လှူဒါန်းပေးခဲ့ကြောင်း သိရပါသည်။
ဖြိုးစန္ဒာ
https://t.me/MyanmarNationalPost
No comments:
Post a Comment