ပခုက္ကူ၊ နိုဝင်ဘာ ၇
မကွေးတိုင်းဒေသကြီး၊ ပခုက္ကူမြို့၊ အမှတ်(၆)ရပ်ကွက်ရှိ ငွေစန္ဒာတည်းခိုခန်းအား လုံခြုံရေးတပ်ဖွဲဝင်များမှ သတင်းအရ နိုဝင်ဘာလ ၆ ရက် ညနေ ၃ နာရီခန့်က အသေးစိတ်ဝင်ရောက်ရှာဖွေစစ်ဆေးခဲ့ရာ PDF အကြမ်းဖက်သမား၃ ဦးနှင့် အတူ ဘီအေ-၉၁ လက်ပစ်ဗုံး ၂ လုံး၊ စိတ်ကြွရူးသွပ်ဆေးပြား ၁၀ ပြားတို့အား ဖမ်းဆီး ရရှိခဲ့ကြောင်း သိရသည်။
အလားတူ နိုဝင်ဘာ ၆ ရက် မနက်ပိုင်းက ပခုက္ကူမြို့နယ်၊ ကမ္မမြို့၏ အနောက်တောင်ဘက် မီတာ ၁၅၀၀၀ ခန့်အကွာ ဖလံအိုရွာအနီးတွင် PDF အကြမ်းဖက်သမားများ လှုပ်ရှားသွားလာနေမှုကို ကင်းထောက်တွေ့ရှိသဖြင့် လက်နက်ကြီးများဖြင့် ကြိုတင်ချေမှုန်းပြီး ဝင်ရောက်ရှင်းလင်းခဲ့သည်။
ဖြစ်စဉ်တွင် လုံခြုံရေးတပ်ဖွဲ့ဝင်များ ထိခိုက်မှုမရှိဘဲ PDF အကြမ်းဖက်သမား ၃ လောင်း၊ M-22 သေနတ် ၁ လက်၊ ကျည်အိမ် ၃ ခု၊ ကျည် ၅၅ တောင့်၊ မိုင်း ၆ လုံး တို့အား သိမ်းဆည်းရရှိခဲ့ကြောင်း သိရသည်။
Join - https://t.me/MyanmarNationalPost
No comments:
Post a Comment