ရန်ကုန်၊ ဒီဇင်ဘာ ၂၅
နှစ်သစ်ကူးရုံးပိတ်ရက်ကာလအတွင်း ရန်ကုန်-ပြည်နှင့် ရန်ကုန်-မော်လမြိုင် အထူးရထားခရီးစဉ်များကို ပြေးဆွဲပေးမည်ဖြစ်ကြောင်း မြန်မာ့မီးရထားမှ ထုတ်ပြန်ထားသည်။
ရန်ကုန်-မော်လမြိုင်အဆန် အထူးရထား၊ မော်လမြိုင်-ရန်ကုန်အစုန်အထူးရထားကို ဒီဇင်ဘာ (၂၇) ရက်တွင်လည်းကောင်း၊ ရန်ကုန်-မော်လမြိုင် အဆန်အထူးရထားကို မော်လမြိုင်-ရန်ကုန် အစုန်အထူးရထားကို ဒီဇင်ဘာ(၂၈) ရက်တွင်လည်းကောင်း ပြေးဆွဲပေးမည်ဖြစ်ကြောင်း သိရသည်။
၂၀၂၅ခုနှစ် ဇန်နဝါရီ (၁) ရက်တွင် ရန်ကုန်-ပြည် အဆန်အထူးရထား၊ ရန်ကုန်-မော်လမြိုင် အဆန်အထူးရထား၊ မော်လမြိုင်-ရန်ကုန် အစုန်အထူးရထားနှင့် ပြည်-ရန်ကုန် အစုန်အထူးရထားများကို ပြေးဆွဲသွားမည်ဖြစ်ကြောင်း သိရသည်။
ရန်ကုန်ဘူတာကြီးမှ ရန်ကုန်-မော်လမြိုင်အထူးရထားသည် မနက် (၇) နာရီ (၄၅) မိနစ်တွင်ထွက်ခွာမည်ဖြစ်ပြီး မော်လမြိုင်-ရန်ကုန် အစုန်အထူးရထားသည် မော်လမြိုင်ဘူတာမှ မနက် (၉) နာရီ (၁၅) မိနစ်တွင် စတင်ထွက်ခွာမည်ဖြစ်သည်။
ရန်ကုန်-ပြည် အဆန်အထူးရထားသည် ရန်ကုန်ဘူတာကြီးမှ မွန်းလွဲ (၁) နာရီ၊ ပြည်-ရန်ကုန်အထူးရထားသည် ပြည်ဘူတာမှ ည (၁၀) နာရီခွဲတွင် ထွက်ခွာမည်ဖြစ်ကြောင်း သိရသည်။
ထို့ပြင် အထူးရထားများအပြင် နေ့စဉ်ပြေးဆွဲနေသည့် အမှတ် (၈၉) အဆန်၊ အမှတ် (၉၀) အစုန် ရန်ကုန်-မော်လမြိုင်ရထား၊ အမှတ် (၇၁) အဆန်၊ (၇၂) အစုန် ရန်ကုန်-ပြည်ရထားများသည် ပုံမှန်အတိုင်းပြေးဆွဲသွားမည်ဖြစ်ကြောင်းလည်း သိရသည်။
အဆိုပါရထားလက်မှတ်များကို အထက်တန်းအတွက် ၃ ရက်ကြို၊ ရိုးရိုးတန်းအတွက် ၁ရက်ကြို ရောင်းချပေးသွားမည်ဖြစ်ကြောင်း သိရှိရသည်။
Join - https://t.me/MyanmarNationalPost
No comments:
Post a Comment