၂၀၂၄၊ ဒီဇင်ဘာ -၁၄ ( စနေနေ့ )
ရာဇဝတ်မှုဆိုင်ရာ အကြောင်းအရာများကို ဖယ်ရှားပေးဖို့ ပျက်ကွက်သည့်အတွက် ရုရှားဆက်သွယ်ရေး ဝန်ကြီးဌာနက ဂျပန်ဆက်သွယ်ရေးဆော့ဝဲလ်ဖြစ်တဲ့ viber ကို ပိတ်ပင်လိုက်တယ်လို့သိရပါတယ်။ နည်းပညာသတင်းဝက်ဘ်ဆိုက် Telecom Daily က ဖော်ပြချက်အရ ရုရှားတွင် Viber ကို သုံးစွဲနေသူ ၁၇ သန်းရှိကြောင်း သိရသည်။
သောကြာနေ့က ရုရှားဆက်သွယ်ရေးဝန်ကြီးဌာန ထုတ်ပြန်ချက်တွင် Viber ကို “အကြမ်းဖက်မှုနှင့် အစွန်းရောက်” ရာဇဝတ်မှု၊ မူးယစ်ဆေးဝါးရောင်းဝယ်မှုနှင့် “တရားမဝင် သတင်းအချက်အလက်များ ဖြန့်ဝေခြင်းတို့ကို တားဆီးရန် ရည်ရွယ်သည့် အမျိုးသားဥပဒေများကို ချိုးဖောက်ခြင်းကြောင့် Viber ကို “ကန့်သတ်ထားသည်” ဟု ဆိုပါတယ်။
ပါလီမန်သတင်းအချက်အလက်မူဝါဒနှင့်ဆက်သွယ်ရေးကော်မတီဝင် ဒူးမားလွှတ်တော် အဖွဲ့ဝင်တစ်ဦးဖြစ်သည့် အန်တွန်နမ်ကင် က Viber ပိုင်ရှင်များသည် ရူဘယ် ၁.၈ သန်း (ကန်ဒေါ်လာ ၁၇,၂၃၀) ဒဏ်ငွေပေးဆောင်ရန် ပျက်ကွက်ခဲ့ပြီး ရုရှားဥပဒေများကို ဆက်လက်လျစ်လျူရှုထားကြောင်း နှင့် Viber မှာ ရုရှား-ယူကရိန်း ပဋိပက္ခနှင့် ပတ်သက်သည့် တရားမဝင် သတင်းအချက်အလက်များကို မဖျက်ပေးကြောင်း ၎င်းကဆိုသည်။
Viber က သက်ကြီးရွယ်အိုများကို ပစ်မှတ်ထားပြီး လိမ်လည်လှည့်ဖြားသူများကြားတွင် ရေပန်းစားသည်ဟု ဆိုသည်။ “နိုင်ငံခြား ထောက်လှမ်းရေး ဝန်ဆောင်မှုများ” သည် Viber ကို အလားအလာရှိသော သူလျှိုများအတွက် စုဆောင်းရေးကိရိယာအဖြစ် အသုံးချနိုင်သည်ဟု သူက အခိုင်အမာဆိုသည်။
မော်စကိုအစိုးရက မကြာသေးမီနှစ်များအတွင်း ဆိုရှယ်မီဒီယာ ပလက်ဖောင်းများကို ဖြိုခွဲခဲ့ပြီး၊ ဆိုရှယ်မီဒီယာ များတွင် သတင်းမှားများ၊ အမုန်းစကားများနှင့် “အစွန်းရောက်” လှုပ်ရှားမှုများ မြှင့်တင်ခြင်းကဲ့သို့သော တရားမဝင်သော အကြောင်းအရာများကို လွှင့်တင်ခြင်းဖြင့် အမျိုးသားဥပဒေများကို ဆက်တိုက်ချိုးဖောက်နေ သည်ဟု ဆိုသည်။
၂၀၂၂ ခုနှစ်တွင် အာဏာပိုင်များသည် X (ယခင် Twitter) သို့ ဝင်ရောက်ခွင့်ကို ပိတ်ပင်ခဲ့ပြီး ရာဇဝတ်မှုဆိုင်ရာ အကြောင်းအရာများကို ဖယ်ရှားရန် ငြင်းဆိုခဲ့သည့် Facebook နှင့် Instagram တို့၏ မိခင်ကုမ္ပဏီဖြစ်သော Meta ကို အစွန်းရောက်အဖွဲ့အစည်း အဖြစ်သက်မှတ်ခဲ့သည်။
REF - RT
Join - https://t.me/MyanmarNationalPost
No comments:
Post a Comment