ရန်ကုန်၊ ဇန်ဝါရီ ၆
ကြည့်မြင်တိုင်မြို့နယ်၊ ဈေးကလေးရပ်ကွက်၊ ကမ်းနားလမ်းနှင့် ဗားကရာလမ်းထောင့်တွင် ဇန်နဝါရီလ၆ရက် ညနေ၄း၄၅နာရီအချိန်က အမျိုးသားတစ်ဦး သေနတ်ဖြင့်နဖူးကိုပစ်သတ်ခံရကြောင်း သိရသည်။
လုံခြုံရေးအဖွဲ့ကသွားရောက်စစ်ဆေးရာ ကမ်းနားလမ်းပေါ်ဗားကရာမီးပွိုင့်နှင့် ပေတစ်ရာအကွာ အလုံဘက်သွားသည့်အခြမ်းတွင် ကျောပိုးအိတ်နှင့် ဘေးလွယ်အိတ်အသေးလွယ်ထားသည့် အသက်၅၀နှစ်ခန့် အမျိုးသားကြီးတစ်ဦးသည် နဖူးတည့်တည့်ကျည်ထိဒဏ်ရာဖြင့် သေဆုံးနေသည်ကို တွေ့ရပြီး သေဆုံးသူ၏ဘေးလွယ်အိတ်အတွင်း ဦးအောင်စိန် အမည်ပါ AYAဘဏ်စာအုပ်တွေ့ရသဖြင့် သေဆုံးသူ မည်သူမည်ဝါဖြစ်ကြောင်းနှင့် လူသတ်သမားကိုရှာဖွေနေကြောင်း သိရသည်။
Join - https://t.me/MyanmarNationalPost
No comments:
Post a Comment