အကြံကောင်းတစ်ချက်ကြောင့် ချမ်းသာသွားတဲ့ လူငယ်

ဇန်နဝါရီ - ၂၇ ( တနင်္လာနေ့ ) 

ချမ်းသာလိုတဲ့စိတ်ထားရှိတဲ့သူတွေက သူတို့ကံကြမ္မာကို သူတို့ တာဝန်ယူတတ်တယ်ဆိုတာ သိသာပါတယ်။ အောင်မြင်သော ရင်းနှီးမြုပ်နှံသူများက  လူတွေသတိမမူမိတဲ့ သို့မဟုတ် တန်ဖိုးမဖြတ်နိုင်သော ပိုင်ဆိုင်မှုများကို တန်ဖိုးကို ခွဲခြားသိမြင်ကာ အကျိုးအမြတ်အဖြစ်သို့ မကြာခဏ ပြောင်းလဲပေးလေ့ရှိပါတယ်။ အဲ့ဒါနဲ့ပတ်သက်ပြီး   ဥပမာတစ်ခုပြပါဆိုရင် ပျက်စီးယိုယွင်းနေသော အိမ်များကို ပြန်လည်ပြုပြင်ပြီး အမြတ်အစွန်းများများ ရအောင် လုပ်နိုင်တဲ့ ဂျပန်လူငယ်တစ်ဦး ရှိပါတယ် ။ 

အိုဆာကာမြို့မှ  ဟာယာတို ကာဝါမူရာ ( ၃၈နှစ်) က ဟောင်းနွမ်းစုတ်ပြတ်ပြီး လူတွေ ပစ်ထားတဲ့ အိမ်အလုံး ၂၀၀  ကို ဝယ်ယူကာ ပြုပြင်ပြီး အိမ်အငှားလုပ်ငန်းကို လုပ်ကိုင်ခဲ့ပါတယ်။ အဲ့ဒိလုပ်ငန်းကနေ ယန်း သန်း၁၄၀ ကျော် ရရှိခဲ့ပါတယ်။  နှစ်ပေါင်းများစွာ အတွေ့အကြုံနှင့် စိတ်အားထက်သန်မှုတို့နှင့်အတူ အိမ်ခြံမြေရင်းနှီးမြှုပ်နှံမှု အတွက် ထူးထူးခြားခြားချဉ်းကပ်မှုမှာ ဟာယာတိုတစ်ယောက် သူ့အား လုပ်ငန်းနယ်ပယ်တွင် ထူးထူးခြားခြား ထင်ရှားစေခဲ့ပါတယ်။ 

ကာဝါမူရာသည် ငယ်စဉ်ကတည်းက အိမ်များကို စွဲလန်းခဲ့ပြီး တောင်ထိပ်ပေါ်ကနေ  မြို့တွင်းရှိ မတူကွဲပြားသော အိမ်များကို ငေးကြည့်ခြင်းကို နှစ်သက်ခဲ့ပါတယ်။  ဤစိတ်ဝင်စားမှုသည် သူ၏စာသင်နှစ်များအတွင်း အိမ်ခြံမြေကို ဝါသနာပါလာစေခဲ့ပါတယ်။ အဲဒီအချိန်မှာ သူဘာမှ မတတ်နိုင်ပေမယ့် သူ့ချစ်သူကို သူချိန်းတွေ့မှုရဲ့ တစ်စိတ်တစ်ပိုင်း အနေနဲ့ အိမ်တွေကို အလည်အပတ်ခေါ်သွားမယ်လို့ အမြဲစိတ်ကူးယဉ်လေ့ရှိပါတယ်။ သူက သူ၏ အားလပ်ချိန်အားလုံးကို အိမ်ခြံမြေအကြောင်းကိုပဲ ဇောင်းပေး လေ့လာခဲ့ပါတယ်။ 

South China Morning Post (SCMP) ၏ အဆိုအရ သူသည် ဘွဲ့ရပြီးနောက် အိမ်ခြံမြေ အငှားကုမ္ပဏီတစ်ခုတွင် အလုပ်လုပ်ခဲ့သည်။ သို့သော်လည်း မြင့်မားသောစီမံခန့်ခွဲမှုနှင့် သဘောထားကွဲလွဲမှုတွေ ဖြစ်ပေါ်လာပြီးနောက် သူ၏အထက်အရာရှိက သူ့ကို ရာထူးချလိုက်တာနဲ့ပတ်သက်ပြီး အခြားသူ့အတွက် အလုပ်လုပ်ခြင်း၏ အန္တရာယ်များကို သူသဘောပေါက်ခဲ့သည်။ အလုပ်ဖိအားတွေ အရမ်းများနေပြီး လစာကလည်း သူ့ကြိုးစားမှုနဲ့ မကိုက်ညီတာကို သတိထားမိသွားပါတယ်။

“ရာထူးတိုးခြင်းဆိုတာ အရည်အချင်းနဲ့မဆိုင်ပေမယ့် မင်းရဲ့အထက်လူကြီးက မင်းကိုကြိုက်တာပဲဖြစ်ဖြစ် သူဖြစ်ချင်တာကို လုပ်ပေးနိုင်တာပဲဖြစ်ဖြစ် အဲ့ဒါနဲ့ပဲ ဆိုင်တယ်ဆိုတာကို ငါနားလည်သွားပါတယ်။  ငါက လစာချက်လက်မှတ်ကို အမှီမပြုဘဲ အသက်ရှင်နေထိုင်နိုင်စေမယ့် ဝင်ငွေကို လိုချင်ခဲ့တယ်” လို့ ၎င်းကပြောကြားသွားပါတယ်။ 

သူသည် အိမ်ပိုင်ရှင်ဖြစ်လာရန် ရည်ရွယ်ချက်ဖြင့် ငွေကို စတင်စုဆောင်းခဲ့ပါတယ်။ အသက် ၂၃ နှစ်တွင် သူသည် လေလံတင်ထားသော တိုက်ခန်းကို ယန်း ၁.၇ သန်း  ဖြင့် ဝယ်ယူခဲ့ပါတယ်။ ခြောက်နှစ်ကြာ ပိုင်ဆိုင်ခဲ့ပြီး တစ်နှစ်ငှားရမ်းခ ယန်း ၃၄၀၀၀၀ ရရှိကာ နောက်ပိုင်းတွင် ယန်း ၄.၃ သန်း ဖြင့် ရောင်းချခဲ့ရပါတယ်။

ထို့နောက် ယန်း ၁ သန်း အောက်ရှိသော ဝေးလံခေါင်သီသော ဒေသများရှိ အိမ်များကို ပစ်မှတ်ထားခဲ့ပါတယ်။ ဤပျက်စီးနေသော အိမ်များကို ကုန်ကျစရိတ် လျှော့ချရန် အခွင့်အရေးအဖြစ် အသိအမှတ်ပြုခဲ့ပါတယ်။ အနည်းငယ် ရင်းနှီးမြုပ်နှံခြင်းဖြင့် အဲ့ဒိအိမ်တွေကို ငှားပြီး အမြတ်အစွန်း ရှာလို့ရပါတယ်။ ထို့နောက် Kawamura သည် တိရစ္ဆာန်သေကောင်များနှင့် ပြည့်နေသည့် အိမ်များ သို့မဟုတ် ယိုစိမ့်နေသော အိမ်များကဲ့သို့သော ပုံမှန်မဟုတ်သော အိမ်ရာအချို့ကို ဝယ်ယူခဲ့ပါတယ်။ 

၂၀၁၈ နောက်ပိုင်း  မှာ မဲရီးဟုမ်း ဆိုတဲ့ သူ့ရဲ့ကိုယ်ပိုင်အိမ်ခြံမြေလုပ်ငန်းကို စတင်ဖို့ အလုပ်ကထွက်ခဲ့ပါတယ်။ လွန်ခဲ့သည့်နှစ်အနည်းငယ်အတွင်း သူသည် အိမ်အလုံးရေ ၂၀၀ ကို ဝယ်ယူခဲ့ပြီး ငှားရမ်းမှုဝင်ငွေ ယန်းသန်း ၁၄၀ ကျော် ရရှိခဲ့သည်။ “နေ့ချင်းညချင်း ချမ်းသာဖို့ ဘယ်တုန်းကမှ မမျှော်လင့်ထားဘူး။ အိမ်ခြံမြေရင်းနှီးမြှုပ်နှံမှုသည် စိတ်ရှည်သည်းခံမှုနှင့် ဂရုတစိုက်အာရုံစိုက်မှု လိုအပ်သည့် ရေရှည်ကစားနည်းတစ်ခုဖြစ်သည်” လို့ ၎င်းက ဆိုသွားပါတယ်။

REF: News 18

#MNP #News #Japan

Join - https://t.me/MyanmarNationalPost