နေပြည်တော်၊ ဖေဖော်ဝါရီ ၂၁
မကွေးတိုင်းဒေသကြီး၊ မကွေးမြို့နယ်၌ ဖေဖော်ဝါရီလ ၁၉ ရက်နေ့က လိုင်စင်မဲ့မော်တော်ယာဉ် ၁ စီးဖမ်းဆီးရမိခဲ့ကြောင်း သိရသည်။
ဖြစ်စဉ်မှာ ဖေဖော်ဝါရီလ ၁၉ ရက်နေ့ နံနက် ၇ နာရီအချိန်တွင် မကွေးမြို့နယ်၊ မကွေး-မင်းဘူးသွားကားလမ်း ဧရာဝတီတံတားပူးပေါင်းစစ်ဆေးရေးဂိတ်တွင် မကွေးမြို့မရဲစခန်းမှတပ်ဖွဲ့ဝင်များ၊ အမှတ်(၁၅)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များပါဝင်သော ပူးပေါင်းအဖွဲ့က ယာဉ်စစ်ဆေးခြင်းများ ဆောင်ရွက်နေစဉ် မင်းဘူးမြို့ဘက်မှ မကွေးမြို့ဘက်သို့ မင်းဘူးမြို့နယ်၊ လေးအိမ်တန်းကျေးရွာနေ ဦးသိန်းမြင့်(၄၁)နှစ်မောင်းနှင်လာသည့် YGN-41 5G/xxxx CROWN မီးခိုးရောင်ယာဉ်အား ရပ်တန့် စစ်ဆေးခဲ့ရာ ယာဉ်နှင့်ပတ်သက်သည့်အထောက်အထား တစ်စုံတစ်ရာပြသနိုင်ခြင်းမရှိဘဲ လိုင်စင်မဲ့ ယာဉ်ဖြစ်ကြောင်း သိရှိရသဖြင့် သိန်းမြင့်အား မကွေးမြို့မရဲစခန်း(ပ)၁၅/၂၀၂၅၊ ပို့ကုန်သွင်းကုန် ဥပဒေပုဒ်မ ၈ ဖြင့် အမှုဖွင့်အရေးယူထားကြောင်း သတင်းရရှိသည်။
#MNP #News
https://t.me/MyanmarNationalPost
No comments:
Post a Comment