ရုရှား - အမေရိကန် နောက်ဆုံးဆွေးနွေးပွဲမှာ ဘာတွေဖြစ်သွားလဲ

ဖေဖော်ဝါရီ - ၂၈ ( သောကြာနေ့ ) 

ရုရှားနှင့် အမေရိကန်တို့သည် ၎င်းတို့၏ သံတမန် မစ်ရှင်များ ပုံမှန် ပြန်လည် လည်ပတ်ရန် ၎င်းတို့ လုပ်ဆောင် ရမည့် ခြေလှမ်းများကို ဖော်ထုတ်နိုင်ခဲ့တယ်လို့ တူရကီ နိုင်ငံမှာလုပ်ပြီးတဲ့ဆွေးနွေးပွဲ အပြီးမှာ ရုရှား နိုင်ငံခြားရေး ဝန်ကြီးဌာနက ပြောပါတယ်။ 

ယခင်သမ္မတ Joe Biden လက်ထက်တွင် ပိုမိုနက်ရှိုင်းလာခဲ့တဲ့ သံတမန်ရေးရာ အကွဲအပြဲကို ကုစားရန် ကြိုးပမ်းနေစဉ် ရုရှားနှင့် အမေရိကန် ကိုယ်စားလှယ်အဖွဲ့များသည် ကြာသပတေးနေ့က အစ္စတန်ဘူလ်တွင် တွေ့ဆုံခဲ့ကြပါတယ်။ 

ဆွေးနွေးပွဲများသည် မော်စကိုမြို့ရှိ အမေရိကန်သံရုံးနှင့် ဝါရှင်တန်ရှိ ရုရှားသံရုံးတို့တွင် ပုံမှန် လုပ်ငန်းဆောင်ရွက်မှုများ ပြန်လည်ရရှိရေးအပေါ် အဓိကဗဟိုပြုပြီး နှစ်ဘက်စလုံးက ဆွေးနွေးခဲ့ကြတယ်လို့ အမေရိကန် နိုင်ငံခြားရေးဌာန မှ ထုတ်ပြန်ခဲ့ပါတယ်။ သောကြာနေ့က ထုတ်ပြန်ချက်တွင် ရုရှားနိုင်ငံခြားရေး ဝန်ကြီးဌာနသည် ပုံမှန်ပြန်လည်ထူထောင်ရေးသည် နှစ်လမ်းသွား လုပ်ငန်းစဉ်ဖြစ်ရန် အလေးပေးပြောကြားခဲ့သည်။

နှစ်နိုင်ငံစလုံးသည် ပြီးခဲ့တဲ့နှစ်တွေက သံတမန်ရေးရာဝန်ထမ်းများကို ကန့်သတ်ခြင်း၊ ဘဏ်လုပ်ငန်း ဝင်ရောက်ခွင့်ကို ကန့်သတ်ခြင်းနှင့် သံတမန်ဆိုင်ရာပိုင်ဆိုင်မှုများကို သိမ်းယူခြင်းအပါအဝင် တစ်ဖက်နှင့်တစ်ဖက် ကန့်သတ်ချက်များ အမျိုးမျိုးချမှတ်ခဲ့ပါတယ်။ မော်စကိုက ၎င်း၏ ပိတ်ဆို့အရေးယူမှုက ဝါရှင်တန်၏ လုပ်ဆောင်ချက်များအပေါ် တိုက်ရိုက်တုံ့ပြန်ခြင်းသာဖြစ်တယ်လို့ ဆိုထားပါတယ်။ 

ရုရှား ကိုယ်စားလှယ်အဖွဲ့တွေကို ရုရှားနိုင်ငံခြားရေးဌာန မြောက်အတ္တလန္တိတ်ဌာန အကြီးအကဲ အလက်ဆန်ဒရာ ဒါချိဗ် က ဦးဆောင်ခဲ့ပြီး အမေရိကန်အဖွဲ့ကိုတော့  ရုရှားနဲ့ ဗဟိုဥရောပဆိုင်ရာ အမေရိကန် လက်ထောက် နိုင်ငံခြားရေး ဝန်ကြီး ဆိုနာတာကုတလာ က ဦးဆောင်ခဲ့ပါတယ်။

ဒါချိဗ်ကို မော်စကို၏ အမေရိကန်ဆိုင်ရာ နောက်ထပ် သံတမန် ဖြစ်လာရန် ရည်မှန်းထားတယ်လို့ သိရပြီး  ကြာသပတေးနေ့ ဆွေးနွေးပွဲများအတွင်း ရာထူး ခန့်အပ်ခြင်းအတွက် အမေရိကန်နဲ့ သဘောတူညီချက် ရရှိထားပြီး မကြာမီ ဝါရှင်တန်သို့ သွားရောက်ရန် စီစဉ်ထားကြောင်း ရုရှားနိုင်ငံခြားရေး ဝန်ကြီးဌာနက သောကြာနေ့တွင် သီးခြားထုတ်ပြန်ချက်တစ်ခုတွင် ပြောထားပါတယ်။ 

ဆွေးနွေးပွဲရဲ့ တစ်စိတ်တစ်ပိုင်းအနေဖြင့် ရုရှားသည် နှစ်နိုင်ငံကြား တိုက်ရိုက်လေကြောင်းသွားလာမှုကို ပြန်လည်ထူထောင်ရန် အဆိုပြုခဲ့ပါတယ် ။

REF: RT

#News #MNP

https://t.me/MyanmarNationalPost