မြောင်းမြ၊ ဖေဖော်ဝါရီ ၁၄
ဧရာဝတီတိုင်းဒေသကြီး၊ မြောင်းမြခရိုင်၊ မြောင်းမြမြို့တွင် အခမဲ့မျက်စိခွဲစိတ်ကုသပေးမှုများ ဆောင်ရွက်ပေးလျက်ရှိရာ ယနေ့နံနက် (၇:၀၀)နာရီအချိန်တွင် ခုတင်(၂၀၀) ဆံ့ပြည်သူ့ဆေးရုံကြီး၌ ခွဲစိတ်ကုသမှုများဆက်လက်ဆောင်ရွက်ပေးလျက်ရှိကြောင်း သိရသည်။
အဆိုပါလုပ်ငန်းများကို ဖေဖော်ဝါရီလ (၁၀) ရက်နေ့မှ (၁၄) ရက်နေ့အထိ မြောင်းမြမြို့နယ်အတွင်းရှိ ဒေသခံပြည်သူများအား မျက်စိခွဲစိတ်ကုသပေးမှုများဆောင်ရွက်ပေးလျက်ရှိရာ မျက်စိ ပြင်ပလူနာ(၁၁၂၅) ဦးအား စမ်းသပ်ကြည့်ရှုခဲ့ပြီး မျက်စိအတွင်းတိမ်လွှာလူနာစုစုပေါင်း (၂၀၀) ဦးတို့အား တစ်နေ့လျှင် (၄၀)ဦးနှုန်းဖြင့် ခွဲစိတ်ကုသပေးလျက်ရှိကြောင်း သိရသည်။
ထိုသို့ခွဲစိတ်ကုသပေးမှုများအား မြောင်းမြ ခရိုင်/မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များ၊ ဌာနဆိုင်ရာများ၊ ခရိုင်/မြို့နယ် အမျိုးရေးရာအဖွဲ့နှင့် မိခင်နှင့်ကလေး စောင့်ရှောက်ရေးအဖွဲ့များ၊ လူမှုရေးအသင်းအဖွဲ့များက လိုအပ်သည်များကို ဝိုင်းဝန်းကူညီ ဆောင်ရွက်ပေးလျက်ရှိကြောင်း သိရသည်။
ဇေယျာ(မြောင်းမြ)
https://t.me/MyanmarNationalPost
No comments:
Post a Comment