စစ်ကိုင်း၊ မတ် ၂၄
စစ်ကိုင်းခရိုင် လူမှုဝန်ထမ်းဦးစီးဌာနမှ စစ်ကိုင်းမြို့နယ်အတွင်း ယာယီနေရပ်စွန့်ခွာပြည်သူများတွင် ထိခိုက်လွယ်အုပ်စုဝင်များဖြစ်သော အသက်(၇၀)နှင့်အထက် သက်ကြီးပုဂ္ဂိုလ်များ၊ အသက်(၅)နှစ်အောက်ကလေးများ၊ ကိုယ်ဝန်ဆောင်များ၊ မသန်စွမ်းသူများအား ယနေ့နံနက်ပိုင်းက စစ်ကိုင်းမြို့ပေါ်ရှိ ဆင်များရှင်ဘုရား၊ ပိုးတန်းဓမ္မာရုံ၊ မြို့သစ်တိုက်တန်းဓမ္မာရုံ၊ ဇေယျာဓမ္မာရုံ၊ တိုက်ဝါကြီးကျောင်းနှင့် ရွှေမင်းဝံဓမ္မာရုံတို့တွင် ထောက်ပံ့ငွေများပေးအပ်ခဲ့သည်။
ထောက်ပံ့ငွေများ ပေးအပ်ရာတွင် စစ်ကိုင်းခရိုင် လူမှုဝန်ထမ်းဦးစီးဌာနမှ ခရိုင်ဦးစီးမှူး ဒေါ်နွယ်နွယ်အောင်နှင့် ဝန်ထမ်းများ၊ ခရိုင်/ မြို့နယ် မိခင်နှင့်ကလေးစောင့်ရှောက်မှုကြီးကြပ်ရေးအဖွဲ့၊ အမျိုး သမီးရေးအဖွဲ့ဝင်များက ထိခိုက်လွယ်အုပ်စုဝင်(၁၂၈၅)ဦးတို့အား တစ်ဦးလျှင်(၃၀၀၀၀)ကျပ်နှုန်းဖြင့် စုစုပေါင်းငွေကျပ် (၃၈၅၅၀၀၀၀)အား ထောက်ပံ့ပေးအပ်ခဲ့ကြောင်း သိရသည်။
ဇော်မြင့်နိုင်
Join - https://t.me/MyanmarNationalPost
No comments:
Post a Comment