အထက်မင်းလှ၊ ဧပြီ ၈
မကွေးတိုင်းဒေသကြီး၊ သရက်ခရိုင် ၊မင်းလှမြို့နယ်တွင် ရဟန်းရှင်လူပြည်သူအများ သဘာဝဘေး အန္တရာယ်များမှ ကင်းဝေးစေရန်ရည်ရွယ်၍ အန္တရာယ်ကင်းပရိတ်တရားတော်များရွတ်ဖတ်ပူဇော်ခြင်းကို ယနေ့ည ၇ နာရီက မြို့နယ်အတွင်းရှိ သာသနာ့ဗိမာန်၊ ရွှေဘုန်းသာဘုရားဓမ္မာရုံ၊ဘုန်းကြီးကျောင်းများ၊ရပ်ကွက်၊ကျေးရွာ ဓမ္မာရုံများနှင့်ဌာနဆိုင်ရာရုံးများ၌ဆောင်ရွက်ခဲ့သည်။
ရှေးဦးစွာကြွရောက်တော်မူကြသော ဆရာတော်၊သံဃာတော်များ၊ ဧည့်ပရိ သတ်များက နမောတဿသုံးကြိမ်ရွတ်ဆို ဘုရားကန်တော့ကြပြီး လယ်ပြင်ဘုန်းတော်ကြီးကျောင်းတိုက် ဆရာတော် နှင့် သံဃာတော်များက နိုင်ငံတစ်ဝန်းရှိရဟန်းရှင်လူပြည်သူအများသဘာဝဘေး အန္တရာယ်များမှ ကင်းဝေးစေရန်အတွက် ရတနသုတ်ပရိတ်တရားတော်ရွတ်ဖတ်ပူဇော်ခဲ့သည်။
ထို့နောက် မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ နှင့်အဖွဲ့ဝင်များက သံဃာတော်အရှင်သူမြတ်တို့အား နဝကမ္မဝတ္ထုငွေများဆက်ကပ်လှူဒါန်းခဲ့သည်။အလားတူမြို့နယ်အထွေထွေအုပ်ချုပ်ရေးဦးစီးဌာနရုံးနှင့်ဌာနဆိုင်ရာရုံးများ ၊ရပ်ကွက်၊ ကျေးရွာများတွင်သဘာဝဘေးအန္တရာယ်ကင်းဝေးစေရေး ရတနသုတ် ပရိတ် တရားတော်များ ရွတ်ဖတ်ပူဇော်ခဲ့ကြောင်းသိရသည်။
https://t.me/MyanmarNationalPost
No comments:
Post a Comment