နေပြည်တော်၊ ဧပြီ ၂
နိုင်ငံခြားရေးဝန်ကြီးဌာန၊ ဒုတိယဝန်ကြီး ဦးကိုကိုကျော် က ကုလသမဂ္ဂ ကမ္ဘာ့စားနပ် ရိက္ခာအစီအစဉ် (WFP) ၏ မြန်မာနိုင်ငံဆိုင်ရာဌာနေကိုယ်စားလှယ် Mr. Michael Dunford အား ၂-၄-၂၀၂၅ ရက်၊ ၁၆၀၀ နာရီတွင် နိုင်ငံခြားရေးဝန်ကြီးဌာန၊ နေပြည်တော်၌ လက်ခံ တွေ့ဆုံခဲ့သည်။
ထိုသို့တွေ့ဆုံစဉ် ဌာနေကိုယ်စားလှယ်က ၂၈-၃-၂၀၂၅ ရက်တွင် မြန်မာနိုင်ငံ၌ လှုပ်ခတ်ခဲ့သော အင်အားပြင်း ငလျင်ဒဏ်ကြောင့် အသက်အိုးအိမ် ပျက်စီးဆုံးရှုံးခဲ့ကြရသည့် မိသားစုများနှင့် အသိုက်အဝန်းများအတွက် များစွာဝမ်းနည်းရကြောင်း ပြောကြားခဲ့ပါသည်။ ထို့ပြင် မြေငလျင်ကြောင့် ထိခိုက်ခံစားရသူများအား ကယ်ဆယ်ရေးနှင့် စားနပ်ရိက္ခာ ထောက်ပံ့ပေးနိုင်ရေးကိစ္စရပ်များနှင့်စပ်လျဉ်း၍ ကူညီဆောင်ရွက်ပေးနိုင်မည့် အခြေအနေများ အပေါ် နှစ်ဖက် အမြင်ချင်းဖလှယ်ဆွေးနွေးခဲ့ကြသည်။
တွေ့ဆုံဆွေးနွေးပွဲသို့ နိုင်ငံခြားရေးဝန်ကြီးဌာနမှ အဆင့်မြင့်အရာရှိကြီးများလည်း တက်ရောက်ခဲ့ကြကြောင်း သိရသည်။
#MyanmarEartquake
https://t.me/MyanmarNationalPost
No comments:
Post a Comment