စိတ်ကျန်းမာရေးအတွက် ၂၄ နာရီ အွန်လိုင်း ဝန်ဆောင်မှု စနစ် စင်ကာပူမှာ စတင်

ဇွန် - ၁၈ ( ဗုဒ္ဓဟူးနေ့ ) 

စိတ်ကျန်းမာရေးအတွက် ၂၄နာရီပတ်လုံး အကူအညီတဲ့ helpline (ဖုန်းဆက် အကူအညီတောင်းခံခြင်း)  နှင့် textline (စာတိုပေးပို့ အကြံတောင်းခံခြင်း) ဝန်ဆောင်မှုကို ယခု ဇွန်လ ၁၈ ရက်နေ့တွင် စင်္ကာပူနိုင်ငံမှာ ပထမဆုံး စတင် လိုက်ပါတယ်။ 

National mindline 1771 ဟုခေါ်သော ၂၄ နာရီ သီးသန့်ဝန်ဆောင်မှုသည် စိတ်ကျန်းမာရေးကို အဓိကဦးစားပေးအဖြစ် ပြုလုပ်ရန် နိုင်ငံ၏ကြိုးပမ်းမှု၏ တစ်စိတ်တစ်ပိုင်းဖြစ်ပြီး အမျိုးသားစိတ်ကျန်းမာရေးနှင့် သုခချမ်းသာမဟာဗျူဟာအောက်ရှိ အဓိက အဆိုပြုချက်များထဲမှ တစ်ခုဖြစ်ပါတယ်။ 

ပံ့ပိုးကူညီမှု လိုအပ်သူများသည် လေ့ကျင့်သင်ကြားထားသော အတိုင်ပင်ခံတစ်ဦးနှင့် စကားပြောရန် ၁၇၇၁ သို့ ခေါ်ဆိုနိုင်ပြီး သို့မဟုတ် WhatsApp (+၆၅၆၆၆၉ ၁၇၇၁) တွင် စကားပြောခြင်း သို့မဟုတ် https://mindline.sg/fsmh ရှိ အွန်လိုင်း စကားပြော အစီအစဉ်ဖြင့် ပြုလုပ်နိုင်ပါတယ်။

စကားဝိုင်းများအားလုံးကို လျှို့ဝှက်ထားမည်ဖြစ်ပြီး အကူအညီရှာဖွေသူများသည် အမည်ဝှက်ထားရန်လည်း ရွေးချယ်နိုင်သောကြောင့် တစ်ဦးချင်းအကူအညီကို စောစောစီးစီးရယူရန် ပထမခြေလှမ်းကို ပိုမိုလွယ်ကူစေပါတယ်။ 

ဤဝန်ဆောင်မှုအသစ်ကို စိတ်ကျန်းမာရေးအင်စတီကျု (IMH) မှ ဆောင်ရွက်ပေးတာပါ။ စိတ်ပညာ သို့မဟုတ် အခြားသော စိတ်ကျန်းမာရေးလေ့ကျင့်မှုသင်တန်း ပြီးမြောက်ထားသူများက အချိန်ပြည့်အကြံပေးမှာဖြစ်ပြီး အကြံပေး အယောက် ၃၀ အထိ စီစဉ်ထားပါတယ်။ ဝန်ဆောင်မှုကို ရုံးသုံးဘာသာစကား လေးမျိုးဖြင့်လည်း စီစဉ်ပေးထားပါတယ်။ ၎င်းကို ဇွန် ၁၈ ရက်က တမ်းပိုင် ရှိ အမျိုးသား Mindline ၁၇၇၁ ရုံးတွင် ကျန်းမာရေးဝန်ကြီးဌာန အကြီးတန်းဝန်ကြီး ကိုပိုကွန် က စတင်ခဲ့တာပဲ ဖြစ်ပါတယ်။ 

အွန်လိုင်းစနစ်ရဲ့ ရည်ရွယ်ချက်ကတော့ စိတ်ဖိစီးမှုတွေကို ခံစားနေရတဲ့ ပြည်သူတွေကို စိတ်ပိုင်းဆိုင်ရာ ဖိစီးမှုတွေကို ဖြေလျှော့ပေးနိုင်ဖို့ ပါပဲ။ ကိုဗစ် ၁၉ နောက်ပိုင်းမှာ ဖြစ်ပေါ်လာတဲ့ ပြည်သူတွေရဲ့ စိတ်ဖိစီးမှုဆိုင်ရာ ပြဿနာတွေကို ဖြေရှင်းရန်အတွက် ရည်ရွယ်တာပဲ ဖြစ်ပါတယ်။ 

REF: straight times

https://t.me/MyanmarNationalPost