နောင်ချို၊ ဇွန် ၂၈
နောင်ချိုမြို့နယ်အတွင်း ဒေသခံပြည်သူများကို နည်းမျိုးစုံဖြင့် ဒုက္ခပေးနေသော TNLA/DPLA အကြမ်းဖက်စခန်းများကို တပ်မတော်က ရှင်းလင်းဆောင်ရွက်လျက်ရှိရာ ဇွန်လ ၂၈ ရက် (ယနေ့)နေ့လည်ပိုင်းအချိန်တွင် နောင်ချိုမြို့နယ်၊ အုမ္မခါးဒေသအတွင်း နယ်မြေရှင်းလင်းစဉ် အကြမ်းဖက် သောင်းကျန်းသူ ၂၀ ဦးခန့်ဖြင့် ထိတွေ့တိုက်ပွဲဖြစ်ပွားပြီး အကြမ်းဖက်သမားများသည် အလောင်းများဆွဲ ဆုတ်ခွာထွက်ပြေးသွားခဲ့သည်။
ထိတွေ့မှုဖြစ်စဉ်အတွင်း တပ်မတော်သား ၁ ဦး မြင့်မြတ်စွာ အသက်ပေးလှူခဲ့ပြီး TNLA/DPLA အကြမ်းဖက်သမား ၁၀ လောင်း၊ Type-81 သေနတ် ၄ လက်၊ ကျည်အိမ်/ကျည်ဆန်များ၊ ခဲယမ်း/ဗုံးသီးများ၊ ဆက်စပ်ပစ္စည်းများအား သိမ်းဆည်းရရှိခဲ့သည်။
တပ်မတော်သားများအနေဖြင့် နယ်မြေရှင်းလင်းရေး ဆက်လက်ဆောင်ရွက်နေဆဲဖြစ်ပြီး အကြမ်းဖက်နှိမ်နင်းရေးကို စွမ်းစွမ်းတမံဆောင်ရွက်လျက်ရှိသော တပ်မတော်သားများအတွက် စားသောက်ဖွယ်ရာများ ပြင်ဆင်ပို့ဆောင်ပေးနေမှု အခြေအနေများကိုလည်း တွေ့မြင်ရသည်။
https://t.me/MyanmarNationalPost
No comments:
Post a Comment