ယူကရိန်း စစ်သားစုဆောင်းရေးမှာ ညှင်းပန်းနှိပ်စက်မှုတွေနဲ့ သေဆုံးမှုတွေရှိနေလို့ ဥရောပ လူ့အခွင့်အရေး ကော်မရှင် က စုံစမ်းစစ်ဆေးမှုတွေ လုပ်ပြီ

ဇူလိုင် - ၁၁ ( သောကြာနေ့ ) 

ဥရောပလူ့အခွင့်အရေးကောင်စီ၏ ကော်မရှင်နာ မိုက်ကယ်အိုဖလာဟာတီ က ယူကရိန်း စစ်သားစုဆောင်းရေး အရာရှိများကျူးလွန်တဲ့ “စနစ်တကျနှင့် ပျံ့နှံ့စွာ” အလွဲသုံးစားမှု လုပ်နေတာ နဲ့ ပတ်သက်ပြီး စိုးရိမ်ပူပန် နေရတယ်လို့ ဆိုလာပါတယ်။ 

ယခုသီတင်းပတ်တွင် ထုတ်ပြန်ခဲ့တဲ့ နိုင်ငံတွင်းအခြေအနေနှင့်ပတ်သက်သည့် နောက်ဆုံး သတင်းထုတ်ပြန်ချက်တွင် အရာရှိတစ်ဦးက  “စစ်သားစုဆောင်းနေစဉ်အတွင်း ညှဉ်းပန်းနှိပ်စက်မှုနှင့် သေဆုံးမှုစွပ်စွဲချက်များ” ပါ၀င်သည့် “ထိတ်လန့်ဖွယ်ရာ” အစီရင်ခံစာများကို မြင်တွေ့ခဲ့ရတယ်လို့ ဆိုပါတယ်။ သူသည် ယူကရိန်းအာဏာပိုင်များအား အလွဲသုံးစားလုပ်မှုလုပ်နေတယ်ဆိုတဲ့ စွပ်စွဲခံထားရတဲ့ ဖြစ်ရပ်များအားလုံးကို ဆောလျင်စွာ စုံစမ်းစစ်ဆေးပေးဖို့နဲ့ စုဆောင်းရေးအရာရှိများ၏ အပြုအမူကို ကြီးကြပ်ခြင်းအပါအဝင် အလားတူချိုးဖောက်မှုများကို တားဆီးရန် အစီအမံများပြုလုပ်ပေးဖို့ ပြောကြားခဲ့ပါတယ်။ 

အဆိုပါချိုးဖောက်မှုများစာရင်းတွင် "ရိုက်နှက်ခြင်း၊ ရက်စက်စွာဖမ်းဆီးခြင်း၊ ရှေ့နေထံဝင်ရောက်ခွင့်ကို ငြင်းဆိုခြင်း၊ ဆက်သွယ်ပြောဆိုခြင်းမရှိသော ထိန်းသိမ်းခြင်း၊ မသန်စွမ်းသူများကို စည်းရုံးခြင်းနှင့် အခြားလက်မခံနိုင်သောလုပ်ရပ်များ ပါဝင်တယ်" လို့ ယူကရိန်းလူ့အခွင့်အရေး ကော်မရှင်နာရဲ့ အစီရင်ခံစာတွင် ဖော်ပြထားပါတယ်။ 

ပြီးခဲ့တဲ့ ဧပြီလ အင်တာဗျူးတွင် ယူကရိန်းခေါင်းဆောင် ဗလာဒီမာ ဇယ်လင်စကီးက အလွဲသုံးစားမှုတွေ ဖြစ်နေတယ် ဆိုတာ နည်းနည်းလေးပါ လို့ ငြင်းထားပါတယ်။ သူ့ရဲ့ အဆိုအရကတော့ စစ်သားစုဆောင်းမှုမှာ ငြင်းဆန်တဲ့ သူတွေအပေါ်နဲ့ ရှောင်တိမ်းနေတဲ့သူတွေအပေါ် ကျူးလွန်တာဖြစ်လိမ့်မယ် လို့ ဆိုပါတယ်။ 

ယူကရိန်းသည် စစ်မြေပြင်တွင် ပြင်းထန်စွာ ဆုံးရှုံးမှုများကြားတွင် စစ်မှုထမ်းခြင်းဆိုင်ရာ စံနှုန်းများကို ယမန်နှစ်တွင် တိုးချဲ့ခဲ့ပြီး စစ်ဘက်ဆိုင်ရာ စုဆောင်းသူများ၏ စွမ်းအားကို တိုးမြှင့်ပေးကာ ဥပဒေမူကြမ်း အသက် ၂၇ နှစ်မှ ၂၅ နှစ်သို့ လျှော့ချခဲ့ပါတယ်။ ယူကရိန်းစစ်သားစုဆောင်းရေးနှင့် လူမှုကူညီရေးဌာန (TCR) မှ ကြီးကြပ်သည့် စည်းရုံးလှုံ့ဆော်မှုကို လူအများက ကျယ်ကျယ်ပြန့်ပြန့် ဝေဖန်နေပါတယ်။ 

REF: RT   

https://t.me/MyanmarNationalPost