မြောက်ဥက္ကလာပ၊ ဩဂုတ် ၁၄
ရန်ကုန်တိုင်းဒေသကြီး၊ မရမ်းကုန်းခရိုင်၊ မြောက်ဥက္ကလာပ မြို့နယ်၌ မြို့နယ်ကျန်းမာရေးဦးစီးဌာနမှ ကျန်းမာ ရေး၀န်ထမ်းများက မြို့နယ်အတွင်းရှိ ကိုယ်၀န်ဆောင်မိခင်များနှင့် မွေးစမှအသက် ၂ နှစ်အောက် ကလေးများအား ပုံမှန်ကာကွယ်ဆေးများထိုးနှံပေးခြင်းကို ယနေ့ နံနက်ပိုင်းက သတ်မှတ်စုရပ် နေရာ များတွင် ပုံမှန်ကာကွယ်ဆေးများ ထိုးနှံပေးလျက်ရှိကြောင်း သိရသည်။
ထိုသို့ ပုံမှန်ကာကွယ်ဆေးများထိုးနှံပေးရာတွင် မြို့နယ်ပြည်သူ့ကျန်းမာရေးဦးစီးဌာနမှူး ဒေါက်တာမျိုးမင်းထွန်း ဦးဆောင်ကြီးကြပ်၍ မြို့နယ်ကျန်းမာရေးဌာနမှ၀န်ထမ်းများက မြို့နယ်အတွင်းရှိ ရပ်ကွက်များမှ ကိုယ်၀န် ဆောင်များ နှင့် မွေးစမှအသက် ၂ နှစ်အောက် ကလေးများအား ဘီစီဂျီ၊ အသည်းရောင်အသားဝါ(ဘီ)၊ပြင်းထန်၀မ်းပျက်၀မ်းလျှော (ရိုတာ) ၊ပိုလီယို၊ ပြင်းထန်အဆုတ်ရောင်(ပီစီဗီ) ၊ ဆုံဆို့-ကြက်ညာ-မေးခိုင်-အသည်းရောင်အသားဝါ(ဘီ)ဦးနှောက်အမြှေးရောင် (ငါးမျိုးစပ်ကာကွယ်ဆေး) ၊ ၀က်သက်ဂျိုက်သိုး၊ဂျပန်ဦးနှောက်ရောင်ရောဂါစသည့် ကာကွယ်ဆေးများကိုအသက်အရွယ်၊ အပိုင်းအခြားအလိုက် ထိုးနှံပေးခြင်း ၊ ကိုယ်၀န်ဆောင် မိခင်များအား ကိုယ်အလေးချိန် တိုင်းတာခြင်း ၊ ကာကွယ်ဆေးထိုးနှံ ပေးခြင်းများ ဆောင်ရွက်လျက်ရှိပြီးမြို့နယ်အနေဖြင့် ပုံမှန်ကာကွယ်ဆေး ထိုးနှံခြင်းလုပ်ငန်းများကို သတ်မှတ် ရပ်ကွက်စုရပ်နေရာများတွင်လည်း ဆက်လက် ထိုးနှံပေးလျက်ရှိကြောင်း သိရသည်။
သက်လွင်စိုး
https://t.me/MyanmarNationalPost
No comments:
Post a Comment