အမျိုးသားဒီမိုကရေစီအင်အားစုပါတီ မှ ဂုဏ်ထူးဆောင်နာယက ဦးခင်မောင်ဆွေနှင့် တာဝန်ရှိသူများ နေပြည်တော်တွင် တွေ့ဆုံ

နေပြည်တော်၊ သြဂုတ် ၃၀

အမျိုးသားဒီမိုကရေစီအင်အားစုပါတီ မှ ဂုဏ်ထူးဆောင်နာယက ဦးခင်မောင်ဆွေနှင့် တာဝန်ရှိသူများ နေပြည်တော် မန္တလေးပါရာဒိုက်ခန်းမ တွင် ယနေ့ ၃၀.၀၈.၂၀၂၅ ရက်နေ့တွင် တွေ့ဆုံခဲ့ကြောင်း သိရသည်။

တွေ့ဆုံပွဲသို့ ဂုဏ်ထူးဆောင်နာယက ဦးခင်မောင်ဆွေ၊ မူဝါဒရေးရာ ကော်မတီ ဥက္ကဋ္ဌ ဒေါက်တာမင်းညို၊ ပါတီဗဟို တွဲဖက် ဥက္ကဋ္ဌ ဦးထက်အောင်ကျော်၊ ဒုဥက္ကဋ္ဌ ( ၁ ) ဦးနန်းထိုက်ဇော်၊ ဒုဥက္ကဋ္ဌ ( ၂ ) ဒေါ်စန္ဒာမင်း၊ အတွင်းရေးမှူး အဖွဲ့ဝင် ဦးဝင်းသိန်းဟန်၊ အတွင်းရေးမှူး အဖွဲ့ဝင် ဦးကျော်သူရ၊ အတွင်းရေးမှူး အဖွဲ့ဝင် ဒေါက်တာမျိုးဆက်သွေး၊ ဗဟိုအလုပ်အမှုဆောင်အချို့၊ တိုင်းဥက္ကဋ္ဌများ၊ ပါတီဝင်များနှင့် ဖိတ်ကြားထားသော ဧည့်သည်တော်များတက်ရောက်ခဲ့ကြောင်း သိရသည်။

ယခင် PPP ပါတီမှ ဒေါက်တာမျိုးဆက်သွေးနှင့် NLD ပါတီမှ ဒေါ်စန္ဒာမင်း တို့သည် ယခုအခါ အမျိုးသားဒီမိုကရေစီအင်အားစုပါတီ ကိုယ်စားပြု၍ ရွေးကောက်ပွဲတွင် ဝင်ရောက်ယှဉ်ပြိုင်ရန် ပြင်ဆင်နေကြသည်။

https://t.me/MyanmarNationalPost