ပန်းတောင်း ၊ စက်တက်ဘာ ၁၂
ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ်၌ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာန ဦးစီးအရာရှိဒေါ်သင်းသင်းအေးနှင့် ဝန်ထမ်းများက ရွှေညီနောင်အုပ်စု၊ ဗြူးကုန်းကျေးရွာနေ သြဇာသီးစိုက်ပျိုးတောင်သူဦးသန်းနိုင်နှင့်တွေ့ဆုံကာ စိုက်ပျိုးထားရှိမှုအခြေအနေနှင့် အထွက်နှုန်းအား စက်တင်ဘာလ ၉ ရက်နေ့က ကွင်းဆင်းမေးမြန်းခဲ့ကြောင်း သိရသည်။
ထိုသို့မေးမြန်းရာတွင် သြဇာသီးစိုက်ပျိုးတောင်သူဦးသန်းနိုင်က သြဇာခြံတွင် စိုက်ပျိုးထားပင်(၆၀၀)ခန့်ရှိပြီး ယခင်နှစ်များထက် အထွက်နှုန်းလျော့နည်းကြောင်း သိရသည်။ ယခုကာလတွင် သြဇာသီးအလုံးပေါင်း(၇၀၀၀)ကျော်ခူးဆွတ်ရရှိပြီး တစ်ခါခူးဆွတ်လျင်အလုံးချော(၁၀၀)နှင့် (၂၀၀)ကြားခူးဆွတ်ရရှိပြီး စျေးနှုန်းအနေဖြင့် ပေါ်ကာစတွင်အလုံးချောလျှင် တစ်လုံးလျင် (၁၀၀၀)ကျပ်နှုန်းနှင့် ဖောက်သည်စျေးရရှိပြီး အလုံးအကြီးအသေးအပေါ်မူတည်၍ စျေးနှုန်းအမျိုးအစားခွဲရောင်းချရကြောင်းသိရသည်။ အဆိုပါဩဇာသီးများအား ဖောက်သည်များမှသိမ်းယူကာ စျေးကွက်အနေဖြင့်ပြည်ဒေသစျေး၊ ဒေသတွင်းစျေးနှင့် ဟင်္သာတမြို့နယ်သို့ တင်ပို့ရောင်းချလျက်ရှိကြောင်း သိရသည်။
လပြည့်လင်း
https://t.me/MyanmarNationalPost
No comments:
Post a Comment