မြစ်ကြီးနား၊ စက်တင်ဘာ ၁
ကချင်ပြည်နယ်ပြည်ခိုင်ဖြိုးပါတီရုံး အစည်းအဝေးခန်းမ၌ ပါတီဗဟိုအလုပ်အမှုဆောင် လူငယ်တာဝန်ခံ ဒေါက်တာအောင်မြတ်ဦး နှင့် ပြည်နယ်၊ ခရိုင်၊ မြို့နယ်၊ ရပ်ကျေးပါတီဥက္ကဋ္ဌများ၊ စည်းရုံးရေးမှူးများတွေ့ဆုံ၍ ဩဂုတ်လ ၃၁ရက်နေ့က လုပ်ငန်းညှိနှိုင်းအစည်းအဝေးတွင် လူငယ်တာဝန်ခံ ဒေါက်တာအောင်မြတ်ဦး က အောင်နိုင်ရေး ဆောင်ရွက်ရာတွင် နိုင်ကိုနိုင်ရမည်ဟူသော အောင်နိုလိုစိတ်ဖြင့် ကြိုးစားဆောင်ရွက်ကြရန် တိုက်တွန်း ပြောဆိုသွားသည်။
ယနေ့အစည်းအဝေးသို့ ပါတီဗဟိုအလုပ်အမှုဆောင် ဒေါက်တာ အောင်မြတ်ဦး၊ ကချင်ပြည်နယ်ပါတီဥက္ကဋ္ဌ ဦးရားဝမ်ဂျုံးနှင့် ပြည်နယ်ပါတီကော်မတီဝင်များ၊ ခရိုင်/မြို့နယ်ပါတီဥက္ကဋ္ဌများနှင့် ကော်မတီဝင်များ၊ မြို့နယ်အတွင်းရှိ ရပ်ကျေးပါတီဥက္ကဋ္ဌများနှင့် စည်းရုံးရေးမှူးများ စုစုပေါင်းအင်အား (၇၅)ဦး တက်ရောက်ခဲ့ပါသည်။
အဆိုပါအစည်းအဝေးတွင် ကချင် ပြည်နယ် ပါတီဥက္ကဋ္ဌ ဦးရာဝမ်ဂျုံးမှ ပြည်နယ်ပါတီ၏ ပါတီအောင်နိုင်ရေးအတွက် ရေးရာအလိုက်ဆောင်ရွက်ထားရှိမှုအခြေအနေများနှင့် အတူ ရွေးကောက်ပွဲ အောင်နိူင်ရေးအတွက် အဖွဲ့ခွဲ၍ နယ်မြေအတွင်း ကွင်းဆင်းစည်းရုံး ဆောင်ရွက်သွားရမည့်အစီအစဉ်များကိုတင်ပြဆွေးနွေးခဲ့သည်။
ယင်းနောက်ပါတီဗဟိုအလုပ် အမှုဆောင် လူငယ်တာဝန်ခံ ဒေါက်တာအောင်မြတ်ဦးမှ ရွေးကောက်ပွဲ ကျင်းပမည့်ရက် နီးကပ်လာပြီဖြစ်၍ အားလုံးကြိုးစားဆောင်ရွက်ကြရန်၊ အောင်နိုင်ရေးဆောင်ရွက်ရာတွင် နိုင်ကိုနိုင်ရမည်ဟူသော အောင်နိုင်လိုစိတ်ဖြင့် ကြိုးစားဆောင်ရွက်ကြရန်၊ နယ်မြေဒေအခြေအနေအရ ဆောင်ရွက်၍ရသော အောင်နိုင်ရေးလုပ်ငန်းစဉ်များအား ဆောင်ရွက်သွားကြရန် ဆွေးနွေးပြောကြားခဲ့သည်။
၎င်းနောက် အစည်းအဝေးသို့တက်ရောက်လာကြသော ခရိုင် / မြို့နယ်၊ ရပ်ကျေးပါတီ ဥက္ကဋ္ဌများမှ ပြန်လည်တင်ပြဆွေးနွေးခဲ့ကြပြီး ဒေါက်တာအောင်မြတ်ဦး မှ နိဂုံးချုပ်အမှာစကားပြောကြားကာ လုပ်ငန်းညှိနှိုင်းအစည်း အဝေးအား ရုပ်သိမ်းခဲ့ကြောင်း သိရသည်။
https://t.me/MyanmarNationalPost
No comments:
Post a Comment