ကမ္ဘာ့ ဧကရာဇ်ကြီး လို့ ကိုယ့်ကိုယ်ကို မမြင်နဲ့ဆိုပြီး ထရမ့်ကို ဘရာဇီးသမ္မတပြော

စက်တင်ဘာ - ၂၆ ( သောကြာနေ့ ) 

ဘရာဇီးသမ္မတ လူဝစ် အင်နာစီယို လူလာ ဆေးလ်ဗား က အမေရိကန်သမ္မတ ဒေါ်နယ်ထရမ့်ကို ကမ္ဘာ့ဇာတ်ခုံပေါ်မှာ အမေရိကန်က တာဝန်ယူလုပ်ဆောင်မှုတွေ ကို ပိုမို လုပ်ဆောင်ရမှာဖြစ်ပြီး ကိုယ့်ကိုယ်ကို  “ကမ္ဘာ့ဧကရာဇ်” အဖြစ် မရှုမြင်သင့်ကြောင်း သတိပေးခဲ့ပါတယ်။ 

အင်္ဂါနေ့ ကုလသမဂ္ဂ အထွေထွေညီလာခံမှာ လူလာ က သူ့ရဲ့မိန့်ခွန်းမပြောခင် PBS News သတင်းဌာနနဲ့ အင်တာဗျူးမှာ ပြောသွားတာဖြစ်ပါတယ်။  အမေရိကန်နိုင်ငံအနေနဲ့ အခြားနိုင်ငံတွေရဲ့ အချုပ်အခြာအာဏာကို လေးစားသင့်ကြောင်း၊ အခြားနိုင်ငံများရဲ့ ပြည်တွင်းရေးကို ဝင်ရောက်စွက်ဖက်ခြင်းမှ ရှောင်ကြဉ်သင့်ကြောင်း နဲ့ အဲလိုတွေ လုပ်ခြင်းဖြင့် ကမ္ဘာ့အကြီးဆုံး စီးပွားရေးနှင့် စစ်ဘက်ဆိုင်ရာ ပါဝါ နိုင်ငံအဖြစ် ရေရှည်ရပ်တည်လို့ ရမှာ ဖြစ်ကြောင်း ပြောသွားပါတယ်။ 

"သမ္မတ ထရမ့်ဟာ နိုင်ငံ့ခေါင်းဆောင်၊ ကမ္ဘာ့အကြီးဆုံး စီးပွားရေးအင်အားကြီး နိုင်ငံ့ခေါင်းဆောင်တစ်ယောက်ရဲ့ အပြုအမူ၊ ကမ္ဘာပေါ်မှာ အကြီးဆုံး စစ်ဘက်ဆိုင်ရာ ပါဝါ၊ ကမ္ဘာပေါ်မှာ နည်းပညာအရှိဆုံး နိုင်ငံတစ်ခုရဲ့ အမူအကျင့်တွေ ရှိဖို့ လိုတယ်" လို့ လူလာ  က စကားပြန်မှတဆင့် ပြောကြားခဲ့ပါတယ်။ “ဒီလို ကြီးကျယ်ခမ်းနားပြီး စွမ်းပကားရှိတဲ့ နိုင်ငံတစ်နိုင်ငံမှာ သမ္မတလုပ်ဖို့ဆိုတာ တာဝန်ပိုရှိဖို့ လိုပါတယ်။ ကမ္ဘာပေါ်ရှိ ဘယ်နိုင်ငံမဆို ကျွန်တော်တို့ရဲ့ ဒီမိုကရေစီနဲ့ အချုပ်အခြာအာဏာကို စွက်ဖက်တာကို ကျွန်တော်တို့ လက်မခံပါဘူး” လို့ ပြောပါတယ်။ 

လူလာက ထရမ့်ရဲ့ တရားမျှတမှုမရှိတဲ့ ကုန်သွယ်မှုအလေ့အကျင့်များဆိုင်ရာ တောင်းဆိုမှုများကို ပယ်ချခဲ့ပြီး အမေရိကန်သည် လွန်ခဲ့တဲ့ ၁၅နှစ်အတွင်း ဘရာဇီးနှင့်ကုန်သွယ်မှု ပိုငွေဒေါ်လာ ၄၁၀ဘီလီယံကို ရရှိထားတယ်ဆိုတာကို ထောက်ပြခဲ့ပါတယ်။ ဘရာဇီးနိုင်ငံ၏ တရားစီရင်ရေးစနစ်သည် အမှီအခိုကင်းကြောင်းနှင့် သမ္မတဟောင်း ဘိုဆိုနာရိုအား အာဏာသိမ်းရန် ကြိုးပမ်းမှုအတွက် မကြာသေးမီက စီရင်ချက်ချခံရမှုအပါအဝင် တရားစီရင်ရေးဆိုင်ရာ စီရင်ထုံးများကို သမ္မတရော ပြည်ပပါဝါများပါ ဝင်ရောက်စွက်ဖက်နိုင်မည်မဟုတ်ကြောင်း ၎င်းက အလေးပေးပြောကြားခဲ့ပါတယ်။ 

ညီလာခံမိန့်ခွန်းမှာလည်း လူလာက အမေရိကန်ထောက်ခံတဲ့ ဘရာဇီးသမ္မတဟောင်း ဘိုဆိုနရိုကို အာဏာသိမ်းရန် ကြိုးစားမှုနဲ့ ဖမ်းဆီးအပြစ်ပေးတာ ကို ထရမ့်အစိုးရက အခွန်စည်းကြပ်မှုပိုလုပ်ခဲ့တာနဲ့ ပတ်သက်ပြီး  "ကျွန်ုပ်တို့၏အဖွဲ့အစည်းများနှင့် ကျွန်ုပ်တို့၏စီးပွားရေးကို တစ်ဖက်သတ်နှင့် ထင်သလို အရေးယူခြင်း" ဆိုပြီး တံဆိပ်ကပ်ကာ ပြောဆိုခဲ့ပါတယ်။ 

REF: RT   

https://t.me/MyanmarNationalPost