လူမှုကွန်ရက်မှ အကြမ်းဖက်လှုံ့ဆော်သူ ၄ဦး ဖမ်းဆီးထိန်းသိမ်း အရေးယူ

နေပြည်တော်၊ အောက်တိုဘာ ၁၇

နိုင်ငံတော်တည်ငြိမ်အေးချမ်းရေးကို ပျက်ပြား စေရန် ရည်ရွယ်ကာ လူမှုကွန်ရက်စာမျက်နှာပေါ်၌ လှုံ့ဆော်ခြင်း၊ ဝါဒဖြန့်ခြင်းများပြုမူလုပ်ဆောင်ခဲ့ သည့် ပဲခူးတိုင်းဒေသကြီး၊ ပဲခူးမြို့နယ်၊ ဥဿာမြို့သစ်အမှတ်(၄)ရပ်ကွက်နေသူများဖြစ်ကြသည့် "Ma Khaing" Facebook အကောင့်ပိုင်ရှင်ဖြစ်သူ ခိုင်ခိုင်နွယ်၊ “ဖိုးသူတော် ကိုမင်း ကိုမင်း” Facebook အကောင့်ပိုင်ရှင်ဖြစ်သူ အောင်ထွဋ်မင်း(ခ)မင်းမင်း၊ “Zaw Thu Ya" Facebook အကောင့်ပိုင်ရှင်ဖြစ်သူ ဇော်ညီညီ(ခ)ဇော်သူရနှင့် “@user490397541595" Tiktok အကောင့် ပိုင်ရှင်ဖြစ်သူ ကျော်ကျော်လွင်တို့လေးဦးအား ၂၀၂၅ ခုနှစ်၊ အောက်တိုဘာလ ၁၅ ရက်နေ့ က ပဲခူးမြို့၊ အမှတ်(၃)နယ်မြေရဲစခန်း၌ တရားဥပဒေ နှင့်အညီ ဖမ်းဆီးထိန်းသိမ်းအမှုဖွင့်လှစ်အရေးယူဆောင်ရွက်ခဲ့ကြောင်း သတင်းရရှိသည်။

အကြမ်းဖက်အုပ်စုအဖြစ်ကြေညာထားသည့် CRPH၊ NUG နှင့် ယင်းတို့၏ လက်ဝေခံ အဖွဲ့ အစည်းများ၊ ယင်းတို့နှင့် ဆက်နွှယ်နေသော အဖွဲ့အစည်းများ၊ လူပုဂ္ဂိုလ်များသည် နိုင်ငံတော် တည်ငြိမ်အေးချမ်းရေးကို ပျက်ပြားစေရန်နှင့် အစိုးရယန္တရားများ ပျက်ပြားစေရန် ရည်ရွယ်လျက် လှုံ့ဆော်ခြင်း၊ ဝါဒဖြန့်ခြင်းများပြုလုပ်ခဲ့မှုအပေါ် ဥပဒေနှင့်အညီ ထိရောက်စွာ အရေးယူသွားမည် ဖြစ်ကြောင်းနှင့် ထိုသို့ လှုံ့ဆော်သူ၊ ဝါဒဖြန့်သူများအား ဆက်လက်ဖော်ထုတ်အရေးယူသွားမည်ဖြစ် ကြောင်း မိဘပြည်သူများ သိရှိနိုင်ရေး အသိပေးသတင်းထုတ်ပြန်ပြီးဖြစ်သည်။

https://t.me/MyanmarNationalPost