ပြည် ၊ အောက်တိုဘာ ၃၁
ပဲခူးတိုင်းဒေသကြီး၊ ပြည်မြို့ကမ်းနားလမ်းရှိ စည်ပင်သာယာမြို့မဈေးကြီး မီးဘေးလုံခြုံရေးနှင့် မီးဘေးအန္တရာယ်ကင်းရှင်းစေရေးအတွက် ကွင်းဆင်းစစ်ဆေးအကြံပြုဆွေးနွေးခြင်းကို ယနေ့နံနက်ပိုင်းက ပြည်ခရိုင်မီးသတ်ဦးစီးဌာနမှူးနှင့်တပ်ဖွဲ့ဝင်များ၊ မြို့နယ်လျှပ်စစ်အင်ဂျင်နီယာနှင့် စည်ပင်သာယာရေးအဖွဲ့မှတာဝန်ရှိသူများ ပူးပေါင်းဆောင်ရွက်ခဲ့ကြသည်။
ထိုသို့ဆောင်ရွက်ရာတွင် ခရိုင်မီးသတ်ဦးစီးမှူး ဦးကျော်ကိုကိုက ဈေးသူ/ဈေးသားများအား မီးဘေးလုံခြုံရေးအတွက်လိုအပ်သည်များ အကြံပြုဆွေးနွေးပြောကြားခဲ့ပြီး အဆိုဈေးကြီးအတွင်း တပ်ဆင်အသုံးပြုလျက်ရှိသော လျှပ်စစ်မီးခုံနှင့် မီးကြိုးများစနစ်တကျသွယ်တန်းထားမှုရှိ/မရှိ၊ ရေစင်နှင့်အရေးအပေါ်ရေပိုက်လိုင်းများ၊ မီးသတ်ဆေးဘူးများကောင်းမွန်မှုရှိ/မရှိ အခြေအနေများကိုလှည့်လည်ကြည့်ရှုစစ်ဆေးကာ ပြုပြင်ရန်လိုအပ်သည်များကို ဈေးတာဝန်ရှိသူများနှင့် ပေါင်းစပ်ညှိနှိုင်းဆောင်ရွက်ခဲ့ကြောင်း သိရသည်။
ကိုဆက်
https://t.me/MyanmarNationalPost
No comments:
Post a Comment