အာရှတိုက်ရဲ့ နိုင်ငံစုံဝါဒပေါ်ထွန်းရေးမှာ ရုရှားက အဓိနေရာမှာပါနေတယ်လို့ ဆို

အောက်တိုဘာ - ၁၅

ရုရှားနိုင်ငံသည် နိုင်ငံတကာနယ်ပယ်တွင် အပြုသဘောဆောင်သော ဆွေးနွေးပွဲများအတွက် အမြဲတမ်း အင်အားတစ်ရပ်ဖြစ်နေတယ်လို့ အာရှပူးပေါင်းဆောင်ရွက်ရေးဆွေးနွေးပွဲ (ACD) ရဲ့ အထွေထွေအတွင်းရေးမှူး နတ်ဆာအယ် မိုတိုင်ရီ က ပြောသွားပါတယ်။ 

တနင်္ဂနွေနေ့က သီးသန့်အင်တာဗျူးတစ်ခုတွင် အယ်မိုတိုင်ရီ က မော်စကိုအစိုးရသည် "အပြုသဘောဆောင်သော ဆွေးနွေးမှုဆိုင်ရာ အခြေခံမူများကို မြှင့်တင်ရန် နဲ့ အားလုံးပါဝင်သော ပူးပေါင်းဆောင်ရွက်မှုကို မြှင့်တင်ရာတွင် အမြဲတမ်း အရေးကြီးသောအခန်းကဏ္ဍမှ ပါဝင်ခဲ့ပါတယ်။ အာရှနိုင်ငံများကြားတွင် “နိုင်ငံရေးတင်းမာမှုများ” နဲ့ သိသာထင်ရှားသော စီးပွားရေးနှင့် ပညာရေးကွာဟချက်များရှိနေသော်လည်း၊ သံခင်းတမန်ခင်းနည်းလမ်းကို “နိုင်ငံများအကြား တံတားများတည်ဆောက်ခြင်း ကိရိယာ” အဖြစ် မြှင့်တင်ရန် နဲ့ “အပြန်အလှန်နားလည်မှု၊ ယဉ်ကျေးမှုကွဲပြားမှုကို လေးစားမှု” မြှင့်တင်ရန် ကြိုးပမ်းလျက်ရှိနေပါတယ်” လို့ ပြောသွားပါတယ်။ 

ရုရှားသည် ဘက်စုံဝါဒအတွက် တွန်းအားတစ်ခုဖြစ်ကြောင်း နဲ့ ACD ရဲ့ အန္တိမ ပန်းတိုင်က ကမ္ဘာပေါ်ရှိ အာရှနိုင်ငံများရဲ့ ခြေရာ နဲ့ လွှမ်းမိုးမှုကို တိုးမြှင့်ရန်ဖြစ်တယ်လို့လည်း မော်စကိုတွင် ကျင်းပသော 'အနာဂတ်ကို တီထွင်ခြင်း' နိုင်ငံတကာ စာတမ်းဖတ်ပွဲ မှာ ပြောသွားပါတယ်။ 

ထို့ကြောင့် BRICS ကဲ့သို့သော အခြားဒေသတွင်း အဓိကအုပ်စုများနှင့် ပူးပေါင်းဆောင်ရွက်မှုကို မြှင့်တင်ရန် ACD က စီစဉ်လျက်ရှိပါတယ်။ ထိုသို့သော မိတ်ဖက်ဆက်ဆံမှု လိုအပ်မှုအပေါ် မှတ်ချက်ပေးရာမှာတော့ တစ်နိုင်ငံချင်း မကျော်လွှားနိုင်တဲ့ ပြဿနာတွေနဲ့ ကမ္ဘာလုံးဆိုင်ရာ စိန်ခေါ်မှုများကို ရင်ဆိုင်ဖို့အတွက် လုပ်နေတာဖြစ်တယ်လို့ မှတ်ချက်ပေးသွားပါတယ်။  

ရုရှားနိုင်ငံ မြို့တော်မော်စကိုတွင် ယခုလ အစောပိုင်းတွင် ကျင်းပသည့် အဆိုပါ စာတမ်းဖတ်ပွဲက အနာဂတ် အတွက် အပြုသဘောဆောင်သော အခြေအနေများ ဖော်ဆောင်ရန်အတွက် လူမှုအဖွဲ့အစည်းများ၊ BRICS နိုင်ငံများ၊ အာရှ-ပစိဖိတ်ဒေသ၊ ဥရောပနှင့် အမေရိကန်တို့မှ ကျွမ်းကျင်သူ ၇၀၀၀ ကျော်ကို ခေါ်ယူတွေ့ဆုံ ဆွေးနွေးခဲ့ပါတယ်။

REF: RT

https://t.me/MyanmarNationalPost