ကျိုက်ထို ၊ ဒီဇင်ဘာ ၂၂
မွန်ပြည်နယ်၊ ကျိုက်ထိုခရိုင်၊ ကျိုက်ထိုမြို့နယ်တွင် ရွေးကောက်ပွဲအောင်မြင်စွာ ကျင်းပနိုင်ရေးအတွက် မြို့နယ်ကော်မရှင်အဖွဲ့ခွဲ၊ မဲရုံမှူး၊ ဒုမဲရုံမှူးများနှင့် တွေ့ဆုံပွဲကို ယမန်နေ့ နံနက်ပိုင်းက အမှတ် (၁) အခြေခံပညာအထက်တန်းကျောင်း (ရာပြည့်ခန်းမ) ၌ ကျင်းပပြုလုပ်ခဲ့သည်။
ရှေးဦးစွာ မွန်ပြည်နယ်ရွေးကောက်ပွဲအရာရှိ ဦးဟိဏ်းလင်းထက်က ရွေးကောက်ပွဲဆိုင်ရာလုပ်ငန်းများ၊ ကြိုတင်မဲဆိုင်ရာလုပ်ငန်းများ၊ ရွေးကောက်ပွဲနေ့တွင် မဲရုံမှူး၊ ဒုမဲရုံမှူးများဆောင်ရွက်ရမည့် လုပ်ငန်းများ၊ MEVM (မဲပေးစက်နှင့် ပတ်သက်သည့် လုပ်ငန်းများ စသည့်ကိစ္စရပ်များကို ဆွေးနွေးပြောကြားခဲ့သည်။
ထို့နောက် မြို့နယ်ကော်မရှင်အဖွဲ့ခွဲဝင်များနှင့် မဲရုံမှူးများမှ သိရှိလိုသည်များကို မေးမြန်းရာ ပြည်နယ်ရွေးကောက်ပွဲအရာရှိ ဦးဟိဏ်းလင်းထက်မှ ပြန်လည်ဖြေကြားပေးခဲ့ကြောင်း သိရသည်။
ပြည့်ဖြိုး
https://t.me/MyanmarNationalPost
No comments:
Post a Comment