နမ့်စန်(တ) ၊ ဇန်နဝါရီ ၂၈
ရှမ်းပြည်နယ်တောင်ပိုင်း၊ နမ့်စန်ခရိုင်၊ နမ့်စန်မြို့နယ်တွင် အားကစားနှင့်ကာယပညာဦးစီးဌာနက ဆောင်ရွက်သည့် လူငယ်ရေးရာနှင့်အားကစားဆိုင်ရာအသိပညာပေးဟောပြောပွဲကို ယနေ့နံနက် ၁၀ နာရီခွဲက အမှတ်(၅)ရပ်ကွက်ရှိ အခြေခံပညာအထက်တန်းကျောင်း-ခွဲ(၅ရပ်ကွက်)ခန်းမတွင် ဆောင်ရွက်ခဲ့သည်။
ဦးစွာ အထက-ခွဲ(၅ရပ်ကွက်) ကျောင်းအုပ်ဆရာကြီး ဦးမျိုးမင်းဦးက အဖွင့်အမှာစကားပြောကြားခဲ့သည်။
ထို့နောက် လွိုင်လင်ခရိုင် အားကစားနှင့်ကာယပညာဦးစီးဌာနမှ လက်ထောက်ညွှန်ကြားရေးမှူး ဦးဇော်မိုးမောင်နှင့် နမ့်စန်မြို့နယ်အားကစားနှင့်ကာယပညာဦးစီးဌာနမှ မြို့နယ်အားကစားမှူး ဦးစောနိုင်ဝင်းတို့က “လူငယ်နှင့်ပညာရေး၊ လူငယ်နှင့်အားကစား”ခေါင်းစဉ်ဖြင့် အသိပညာပေးဟောပြောခဲ့ကြသည်။
ထို့နောက် မြို့နယ်အားကစားမှူး ဦးစောနိုင်ဝင်းက ကျောင်းသား၊ ကျောင်းသူများအတွက် အားကစားပစ္စည်းများ ပေးအပ်ခဲ့ရာ ကျောင်းအုပ်ဆရာကြီး ဦးမျိုးမင်းဦးက လက်ခံရယူခဲ့ကြောင်း သိရသည်။
သူရအောင်(နမ့်စန်)
https://t.me/MyanmarNationalPost
No comments:
Post a Comment