ဒဂုံအရှေ့၊ ဇန်နဝါရီ ၂၅
ရန်ကုန်တိုင်းဒေသကြီး၊ ဒဂုံမြို့သစ်ခရိုင်၊ ဒဂုံမြို့သစ်(အရှေ့ပိုင်း)မြို့နယ်တွင် ၂၀၂၆ ခုနှစ်၊ ဇန်နဝါရီလ ၂၅ ရက်နေ့တွင် ကျင်းပပြုလုပ်သော ပါတီစုံဒီမိုကရေစီအထွေထွေရွေးကောက်ပွဲ အပိုင်း(၃)၌ မဲဆန္ဒရှင်ပြည်သူများ နံနက် ၆ နာရီမှစတင်၍ မြို့နယ်အတွင်းရှိ မဲရုံများ၌ စိတ်အေးချမ်းစွာလာရောက် ဆန္ဒမဲပေးလျက်ရှိကြောင်း သိရသည်။
ထိုသို့ဆန္ဒမဲပေးရာတွင် နံနက်(၆)နာရီအချိန်၌ မဲရုံမှူးများက မဲရုံများဖွင့်လှစ်ပေးပြီးနောက် မဲဆန္ဒရှင်ပြည်သူများက မြန်မာအီလက်ထရောနစ်မဲပေးစက်(MEVM) စက်များဖြင့် လျှို့ဝှက်ဆန္ဒပြုခန်းတွင် နိုင်ငံသားအခွင့်အရေးနှင့် ဆန္ဒမဲပေးပိုင်ခွင့်ရရှိသောအခွင့်အရေးကို လက်လွတ်မခံ အမျိုးသားရေးအခွင့်အလမ်းတို့ကို ပြည့်ပြည့်ဝဝအသုံးချကာ မိမိကြိုက်နှစ်သက်ရာပါတီနှင့် လွှတ်တော်ကိုယ်စားလှယ်လောင်းများအား လွတ်လပ်စွာရွေးချယ်ဆန္ဒပြုကြသည်။
ဒဂုံမြို့သစ်(အရှေ့ပိုင်း)မြို့နယ်တွင် ရပ်ကွက်(၄၂)ရပ်ကွက်၊ ကျေးရွာအုပ်စု(၃)စု၌ မဲရုံ(၉၆)ရုံထားရှိပြီး ဆန္ဒမဲပေးပိုင်ခွင့်ရှိ သူစုစုပေါင်း (၁၁၆၃၀၄)ဦးရှိကြောင်း သိရသည်။
ဇွဲမင်းထက်
#MNP #News
No comments:
Post a Comment