မကွေး၊ ဇန်နဝါရီ ၂၄
မကွေးတိုင်းဒေသကြီး၊ မင်းလှမြို့နယ်၊ အမှတ်(၆)ရပ်ကွက်နေ ကိုဖိုးလပြည့်(၂၃)နှစ် မောင်းနှင်ပြီး တစ်ရပ်ကွက်တည်းနေ ဦးသန့်ဇင်(၃၇)နှစ် လိုက်ပါလာသည့် ခြောက်ဘီးဆီဘောက်ဆာယာဉ်သည် မင်းလှမြို့မှ ရေနံမကျေးရွာသို့ မောင်းနှင်ထွက်ခွာလာစဉ် ၂၀၂၆ ခုနှစ်၊ ဇန်နဝါရီ ၂၃ ရက် နံနက် ၅ နာရီ ၄၅ မိနစ်တွင် မင်းလှမြို့နယ်၊ ကန်တုတ်-စစ္စနို့လမ်းနှင့် ပြည်စိုးလမ်းဆုံအရောက် PDF အမည်ခံ အကြမ်းဖက်သမားများ အင်အား(စိစစ်ဆဲ)က လက်နက် ငယ်များဖြင့် ပစ်ခတ်တိုက်ခိုက်ခဲ့မှုကြောင့် မော်တော်ယာဉ်တွင် ရှေ့လေကာမှန်နှင့် ယာဘက်ရှေ့ဘီးတို့ ကျည်ထိမှန်ပျက်စီးခဲ့ပြီး ၎င်းတို့နှစ်ဦးတွင် ကျည်ထိမှန်ဒဏ်ရာများရရှိခဲ့၍ ဆေးကုသနိုင်ရေး ရေနံမ တိုက်နယ်ဆေးရုံသို့ ပို့ဆောင်ထားရှိကြောင်း သိရသည်။
အကြမ်းဖက်အဖွဲ့များဖြစ်သော CRPH နှင့် NUG တို့သည် နိုင်ငံတော်ကြီး အလုံးစုံပျက်သုဉ်းရေး ဦးတည်ချက်များဖြင့် PDF အမည်ခံ အကြမ်းဖက်သမားများကို ဖွဲ့စည်း၍ အချို့သောဒေသများတွင် မြို့၊ ရွာများအတွင်း ဝင်ရောက်ကာ တိုက်ပွဲဖော်ဆောင်ခြင်း၊ အကြမ်းဖက်ပစ်ခတ်တိုက်ခိုက်ခြင်းနှင့် အစိုးရဝန်ထမ်းများ၊ သာသနာ့အကျိုးသယ်ပိုးထမ်းဆောင်လျက်ရှိသော ရဟန်းသံဃာများ၊ အေးချမ်းစွာ နေထိုင်လျက်ရှိသော အပြစ်မဲ့ ဒေသခံပြည်သူများအား ခေါင်းစဉ်အမျိုးမျိုးတပ်၍ ဖမ်းဆီးနှိပ်စက် သတ်ဖြတ်ခြင်းများ လုပ်ဆောင်လျက်ရှိသည်။
#MNP #News
No comments:
Post a Comment