ဟိုင်းကြီးကျွန်း ၊ ဖေဖော်ဝါရီ ၁၆
ဧရာဝတီတိုင်းဒေသကြီး၊ ပုသိမ်ခရိုင်၊ ဟိုင်းကြီးကျွန်းမြို့တွင် တည်ထားကိုးကွယ်တော်မူသော သမိုင်းဝင်ဆံတော်ရှင် မဟာမကုဋရံသီမြတ်မော်တင်စွန်းစေတီတော်မြတ်ကြီး၏ ဗုဒ္ဓပူဇနိယပွဲတော်ကို ဖေဖော်ဝါရီလ (၁၆) ရက်နေ့မှ မတ်လ (၂) ရက်နေ့အထိ စည်ကားသိုက်မြိုက်စွာကျင်းပပြုလုပ်သွားမည်ဖြစ်ပြီး ဘုရားဖူးဧည့်သည်များအား သဲဖြူနှင့်မဟာမြိုင်တောရဆရာတော်ဘုရားကြီး ဦးဆောင်မှုဖြင့် ဧရာဝတီတိုင်းဒေသကြီးအစိုးရအဖွဲ့နှင့် အလှူရှင်များစုပေါင်း၍ စတုဒီသာများ ကျွေးမွေးလှူဒါန်းလျက်ရှိကြောင်း သိရသည်။
သမိုင်းဝင်ဆံတော်ရှင်မဟာမကုဋရံသီမြတ်မော်တင်စွန်းစေတီတော်မြတ်ကြီးသို့ ဘုရားဖူးရောက်ရှိလာသော ဧည့်ပရိသတ်များအား သဲဖြူနှင့်မဟာမြိုင်တောရဆရာတော်ဘုရားကြီးဦးဆောင်မှုဖြင့် ဧရာဝတီတိုင်းဒေသကြီးအစိုးရအဖွဲ့နှင့် အလှူရှင်များစုပေါင်း၍ (၁၄.၂.၂၀၂၆)ရက်နေ့တွင် အယောက်(၅၀၀)၊ (၁၅.၂.၂၀၂၆)ရက်နေ့တွင် အယောက်(၅၀၀)နှင့် မဟာမကုဋရံသီဆံတော်ရှင် မြတ်မော်တင်စေတီတော်မြတ်ကြီး ဗုဒ္ဓပူဇနိယပွဲတော်ဖွင့်ပွဲအခမ်းအနား၊ ဗုဓ္ဓဘိသေက အနေကဇာတင်မင်္ဂလာအခမ်းအနားနှင့် တောင်အရပ်အာရုဏ်ခံတန်ဆောင်း ရေစက်ချမင်္ဂလာအခမ်းအနားကျင်းပပြုလုပ်မည့် (၁၆.၂.၂၀၂၆)ရက်နေ့တွင် အယောက်(၃၀၀၀)စာ စတုဒီသာများ ကျွေးမွေးလှူဒါန်းသွားမည်ဖြစ်ကြောင်း သိရသည်။
လှိုင်မျိုးအောင်
https://t.me/MyanmarNationalPost
No comments:
Post a Comment