တရုတ် - အိန္ဒိယ ကုန်သွယ်မှုက ကန်ဒေါ်လာ ၁၅၅ ဘီလီယံအထိရောက်သွားခဲ့

ဖေဖော်ဝါရီ - ၅ ( ကြာသပတေးနေ့ ) 

တရုတ်နှင့် အိန္ဒိယ နှစ်နိုင်ငံကြား ကုန်သွယ်မှုသည် ၂၀၂၅ ခုနှစ်တွင် စံချိန်တင် ကန်ဒေါ်လာ ၁၅၅ ဘီလီယံအထိ ရောက်ရှိခဲ့ကြောင်း နယူးဒေလီရှိ တရုတ်သံအမတ်ကြီးက ပြောကြားခဲ့ပါတယ်။ 

၂နိုင်ငံကုန်သွယ်ရေး က နှစ်စဉ် တိုးတက်မှုနှုန်း ၁၂ ရာခိုင်နှုန်းရှိခဲ့တယ်လို့ ရှုဖိုင်ဟောင်က အင်္ဂါနေ့တွင် ကျင်းပတဲ့ တရုတ်နှစ်သစ်ကူးပွဲကို တက်ရောက်ခဲ့တဲ့ လူစုကြီးကို ပြောခဲ့ပါတယ်။ တရုတ်သို့ အိန္ဒိယရဲ့ ပို့ကုန်ပမာဏသည် ၂၀၂၅ ခုနှစ်တွင် ကန်ဒေါ်လာ ၁၉. ၇  ဘီလီယံရှိပြီး တစ်နှစ်ထက်တစ်နှစ် ၉,၇ % တိုးလာခဲ့ကြောင်း အိန္ဒိယသတင်းဌာနတစ်ခုမှာ ရေးသားဖော်ပြခဲ့ပါတယ်။ 

ကုန်သွယ်ရေးလိုငွေပြမှုကို သမဝါယမပိုငွေပြမှုအဖြစ် ပြောင်းလဲရန်အတွက် တရုတ်ဈေးကွက်သို့ ပရီမီယံ (အရည်အသွေးကောင်းတဲ့) ထုတ်ကုန်များ ပိုမိုယူဆောင်လာရန် အိန္ဒိယစီးပွားရေးလုပ်ငန်းများကို ပြီးခဲ့သည့်လက ရှု  က တိုက်တွန်းခဲ့ပါတယ်။ 

တရုတ်နိုင်ငံသည် BRICS အဖွဲ့ရဲ့ ဥက္ကဋ္ဌအဖြစ် အိန္ဒိယကို ထောက်ခံခဲ့ပြီး နယူးဒေလီနှင့် ညှိနှိုင်းဆောင်ရွက်မှုကို ထောက်ခံရန် အသင့်ရှိကြောင်း ၎င်းက အင်္ဂါနေ့တွင် ပြောကြားခဲ့ပါတယ်။ အိန္ဒိယက BRICS အဖွဲ့ ဥက္ကဋ္ဌ ရာထူးကို ဇန်နဝါရီ ၁ ရက်က စတင်ခဲ့ပါတယ်။ 

တရုတ်နှင့် အိန္ဒိယကြား တိုက်ရိုက်လေကြောင်း ခရီးစဉ်များကို ၂၀၂၅  ခုနှစ် အောက်တိုဘာလတွင် တရားဝင် ပြန်လည်စတင်ခဲ့ပါတယ်။ အာရှအိမ်နီးချင်းများသည် ပြီးခဲ့သောနှစ်တွင်အပြန်အလှန် ဗီဇာကန့်သတ်ချက်များကို ဖြေလျှော့ပေးခဲ့ပါတယ်။ 

ဇန်နဝါရီလတွင် အိန္ဒိယသည် ၂၀၂၀ နယ်စပ်တိုက်ပွဲအပြီးတွင် မိတ်ဆက်ခဲ့သော တရုတ်ကုမ္ပဏီများအား အစိုးရစာချုပ်များအတွက် လေလံဆွဲသည့် ကန့်သတ်ချက်များကို ရုတ်သိမ်းရန် စီစဉ်ပေးခဲ့ပါတယ်။ 

REF: RT

#MNP #News