နေပြည်တော်၊ ဖေဖော်ဝါရီ ၁၁
လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာစိုးဝင်းသည် တာဝန်ရှိသူများနှင့်အတူ ယမန်နေ့က အေးငြိမ်းချမ်းသာ ဂိလာနဘိုးဘွားရိပ်သာ၊ ပျဉ်းမနားဘိုးဘွားရိပ်သာနှင့် ကရုဏာကမ္ဘာဘိုးဘွားရိပ်သာတို့ကို သွားရောက်ပြီး ဘိုးဘွားရိပ်သာများမှ သက်ကြီးပုဂ္ဂိုလ်များအား တစ်ဦးလျှင် ငွေကျပ်ငါးသောင်းနှုန်းဖြင့် လက်ဝယ်အရောက်ပေးအပ်ကာ Standard Dignity Kit များ ပေးအပ်သည်။
ထိုသို့သွားရောက်စဉ် ပြည်ထောင်စုဝန်ကြီးက သက်ကြီးပုဂ္ဂိုလ်များ ကောင်းမွန်စွာနေထိုင်နိုင်ရန် ဘိုးဘွားရိပ်သာများအား စနစ်တကျစိစစ် တည်ထောင်ခွင့်ပြုလျက်ရှိသကဲ့သို့ သက်ကြီးပုဂ္ဂိုလ်များကို စောင့်ရှောက်နိုင်မည့်သူများအတွက် သင်တန်းများ စီစဉ်ဆောင်ရွက်ပေးခြင်း၊ ရိပ်သာများသို့ ငွေကြေးထောက်ပံ့ပေးခြင်းများ ဆောင်ရွက်ပေးလျက်ရှိကြောင်း၊ လူမှုကာကွယ်စောင့်ရှောက်ရေး ထောက်ပံ့မှုအပြင် ယခုထပ်ဆောင်း ထောက်ပံ့မှုသည်နေ့စဉ်ဘဝ လိုအပ်ချက်အတွက် အထိုက်အလျောက် အထောက်အကူပြုစေမည်ဖြစ်ကြောင်း ပြောကြားပြီး အဘိုးအဘွားများကို ရင်းရင်းနှီးနှီး နှုတ်ဆက်အားပေး ခဲ့ကြောင်း သိရသည်။
#MNP #News
No comments:
Post a Comment