အာကာသစခန်းတစ်ခု တည်ဆောက်နိုင်ဖို့ အိန္ဒိယနိုင်ငံက လုပ်နေပြီ

ဖေဖော်ဝါရီ - ၁၁ ( ဗုဒ္ဓဟူးနေ့) 

အိန္ဒိယနိုင်ငံက ကိုယ်ပိုင် အာကာသစခန်းတစ်ခု တည်ထောင်ရန် အစီအစဉ်ကို အရှိန်အဟုန်ဖြင့် လုပ်နေပြီ ဖြစ်ကြောင်း အမျိုးသားအာကာသအေဂျင်စီမှ ထိပ်တန်းအရာရှိတစ်ဦးက ပြောကြားခဲ့ပါတယ်။ 

အိန္ဒိယ အာကာသ သုတေသန အဖွဲ့ (ISRO) သည် ၎င်း၏ ဂါဂန်ယာအန်  အာကာသယာဉ် ပျံသန်းမှု မစ်ရှင်တွင် အဓိက အခန်းကဏ္ဍမှ ပါဝင်မည့် ဂြိုဟ်တု အလုံး ၈၀ ကိုလည်း လုပ်ဆောင်နေကြောင်း ပရိုဂရမ် ဒါရိုက်တာ က တနင်္လာနေ့တွင် IANS သတင်းဌာနသို့ ပြောကြားခဲ့ပါတယ်။ ဂြိုလ်တုများသည် ဂါဂန်ယာအန် မစ်ရှင်အတွက် အရေးပါသော အချက်ပြမှုများကို ကမ္ဘာမြေသို့ ပြန်ပို့ပေးမည် ဖြစ်ကြောင်း ၎င်းပြောပါတယ်။ 

ISRO ၏ လက်ရှိပရိုဂရမ်များဖြစ်သည့် ကမ္ဘာမြေစောင့်ကြည့်လေ့လာရေးမစ်ရှင်များ၊ အိန္ဒိယ နက္ခတ်ဗေဒ လေ့လာရေး (NVS)၊ အိန္ဒိယ သတင်းအချက်အလက် ပြိုင်ဆိုင်မှု ဂြိုလ်တုစနစ် နဲ့ အင်္ဂါဂြိုဟ်ပတ်လမ်း မစ်ရှင် တို့က အိန္ဒိယကို အာကာသသိပ္ပံ၊ စူးစမ်းလေ့လာရေးနှင့် အသုံးချနည်းပညာများတွင် ခြေရာကို ချဲ့ထွင်နိုင်ခဲ့ပါတယ်။ 

အေဂျင်စီသည် အာကာသစခန်းတစ်ခုအား ၂၀၃၅ ခုနှစ်တွင် အပြီးသတ်လုပ်ဆောင်ရန် ရည်မှန်းထားပါတယ်။ အာကာသစခန်းအတွက် မော်ဂျူးငါးခုအနက် ပထမဆုံးတစ်ခုကို ၂၀၂၈ ခုနှစ်တွင် ကမ္ဘာပတ်လမ်းကြောင်းတွင် ထားရှိမည်ဖြစ်ပါတယ်။ 

ISRO ရဲ့ ဂါဂန်ယာအန် မစ်ရှင် သည် အာကာသသို့ သုံးရက်ကြာ ခရီးစဉ်တွင် အဖွဲ့ဝင် ၃ ဦးကို စေလွှတ်ပြီး ၎င်းတို့အား ကမ္ဘာမြေသို့ ပြန်လည်ပို့ဆောင်ရန် ရည်မှန်းထားပြီး ၂၀၂၇ တွင်လွှတ်တင်ရန် စီစဉ်ထားတယ်လို့ သိရပါတယ်။  

နယူးဒေလီသည် ကမ္ဘာမြေနိမ့်ပိုင်း ပတ်လမ်းအတွင်း ရုပ်ပိုင်းဆိုင်ရာ ဒေတာစင်တာများကို နေရာချရန် ဖြစ်နိုင်ချေကိုလည်း လေ့လာနေပါတယ်။ "အနာဂတ်နည်းပညာများကို တည်ဆောက်ခြင်းရဲ့ တစ်စိတ်တစ်ပိုင်း အနေနဲ့ အာကာသအတွင်း သတင်းအချက်အလက် ဒေတာလုပ်ဆောင်ခြင်းများကို အကဲဖြတ်နေပါတယ်” လို့ ဆိုပါတယ်။ အိန္ဒိယသည် ၎င်းရဲ့အကြီးဆုံး စီးပွားရေးဆက်သွယ်ရေး ဂြိုလ်တုကို ဒီဇင်ဘာလတွင် လွှတ်တင်ခဲ့ပါတယ်။ 

ISRO သည် လာမည့် သုံးနှစ်အတွင်း ၎င်း၏ နှစ်စဉ် အာကာသယာဉ် ထုတ်လုပ်မှုကို သုံးဆ တိုးမြှင့်ရန် ရည်မှန်းထားပြီး လက်ရှိတန်ဖိုးမှာ ဒေါ်လာ ၈.၂ ဘီလီယံဝန်းကျင်မှ ၂၀၃၃ ခုနှစ်တွင် ဒေါ်လာ ၄၄ ဘီလီယံအထိ တိုးမြှင့်သွားရန် ရည်မှန်းထားပါတယ်။ 

REF: RT

#MNP #News