နေပြည်တော်၊ ဧပြီ ၁၁
ရှမ်းပြည်နယ်၊ မူဆယ်မြို့၊ ကောင်းမှုတုံရပ်ကွက်ရှိ နန်းတော်စစ်ဆေးရေးဂိတ်၌ ဌာနဆိုင်ရာတာဝန်ရှိသူများပါဝင်သော ပူးပေါင်းအဖွဲ့သည် နယ်မြေလုံခြုံရေးနှင့် စစ်ဆေးရေးလုပ်ငန်းများ ဆောင်ရွက်စဉ် ဧပြီ ၉ ရက် ညနေ ၃ နာရီ ၃၀ မိနစ်ခန့်တွင် မြန်မာနိုင်ငံအတွင်းသို့ တရားမဝင်နယ်စပ်ဖြတ်ကျော် ဝင်ရောက်လာသည့် တရုတ်နိုင်ငံ၊ စီချွမ်ပြည်နယ်၊ ခွေတုံမြို့မှ တရုတ်နိုင်ငံသား လျှိုရှန့်လုံ (ဘ) လျှိုရင်ချောင် ၊ ၃၄ နှစ်အား ဖမ်းဆီးရမိခဲ့သည်။
မြန်မာနိုင်ငံအတွင်း တရားမဝင်နယ်စပ်ဖြတ်ကျော်၍ ဝင်ရောက်လာသော တရုတ်နိုင်ငံသားအား မူဆယ်မြို့မရဲစခန်း၌ ထိန်းသိမ်းထားရှိပြီး လိုအပ်သည့်စစ်ဆေးမှုများ ဆောင်ရွက်ကာ လုပ်ထုံးလုပ်နည်းများနှင့်အညီ ဆက်လက်ဆောင်ရွက်သွားမည်ဖြစ်ကြောင်း သတင်းရရှိသည်။
#MNP #News
No comments:
Post a Comment