မေ - ၁ ( သောကြာနေ့ )
“အကြမ်းဖက်မှုကို ဝန်ဆောင်မှုတစ်ခုအနေနဲ့ လုပ်နေတဲ့သူတွေ” ကို နှိမ်နင်းရန် ဖွဲ့စည်းထားတဲ့ ဥရောပအဖွဲ့သစ်က အခုနှစ်ပိုင်းအတွင်းမှာပဲ လူပေါင်း၂၈၀ ကို ဖမ်းဆီးခဲ့တယ်လို့ ဥရေပသမဂ္ဂ (အီးယူ) ရဲအေဂျင်စီ ယူရိုပေါ် က ထုတ်ပြန်ခဲ့ပါတယ်။
GRIMM ဟုအမည်ပေးထားတဲ့ အဲ့ဒိယူနစ်က အကြမ်းဖက်မှု ကြီးထွားလာခြင်းကို ကိုင်တွယ်ဖြေရှင်းရန် မနှစ်က ဧပြီလမှာ ဖွဲ့စည်းခဲ့ပြီး ရာဇ၀တ်မှုကျူးလွန်ခြင်းကနေစပြီး လူသတ်မှုအထိ ကျူးလွန်မှုများလုပ်ဖို့ လူမှုမီဒီယာမှ တစ်ဆင့် လူတစ်ဦးချင်းစီကို ငှားရမ်းတဲ့ "gig စီးပွားရေး" က ဖြစ်နေပြီး အဲ့ဒါကိုလည်း အကြမ်းဖက်ဝါဒလို့ သက်မှတ်မယ် လို့ ဆိုပါတယ်။ အဆိုပါလုပ်ငန်းတွင် ယူကေ၊ နော်ဝေ နဲ့ အိုက်စလန်တို့နှင့်အတူ အီးယူ နိုင်ငံအများအပြားမှ ရဲတပ်ဖွဲ့ဝင်များ ပါဝင်ပါတယ်။
“အကြမ်းဖက်မှုက… ဒေသဆိုင်ရာ ဒိုင်းနမစ်များပေါ်တွင် ချုပ်နှောင်ထားခြင်း မရှိတော့ပါ။ ၎င်းကို ဝန်ဆောင်မှုအဖြစ် တိုး၍တိုး၍ ကမ်းလှမ်းလာသည်- စုဆောင်းမှု၊ ညှိနှိုင်းမှုနှင့် နယ်စပ်ဖြတ်ကျော်မှုတို့ကို လုပ်ဆောင်နိုင်သည့် အွန်လိုင်းဂေဟစနစ်များက သုံးစွဲနိုင်၊ အတိုင်းအတာဖြင့် မောင်းနှင်နိုင်ပါတယ်” လို့ ဗုဒ္ဓဟူးနေ့တွင် ထုတ်ပြန်တဲ့ ကြေညာချက်တွင် ဖော်ပြထားပါတယ်။ အဆိုပါ လှုပ်ရှားမှုများနှင့် ဆက်စပ်နေတဲ့ လူပေါင်း ၁၄၀၀ ကျော်ကို ဖော်ထုတ်တွေ့ရှိခဲ့ကြောင်း ၎င်းကဆိုပါတယ်။
“ဒီဖြစ်စဉ်က ဥရောပတလွှားမှာ တောမီးလို ပျံ့နှံ့နေပါတယ်”လို့ ယူရိုပေါ် ရဲ့ ဥရောပ ရာဇ၀တ်မှုစင်တာ အကြီးအကဲ အန်ဒီခရက် က ဆိုပါတယ်။
ဝန်ထမ်းခေါ်ယူခြင်းကို အဓိကအားဖြင့် စနက်ပ်ချက်၊ တယ်လီဂရမ် နဲ့ တစ်ခ်တော့ လို ဆိုရှယ်မီဒီယာ ပလပ်ဖောင်းများအပြင် ဂိမ်းဆိုက်ဒ် တွေကတစ်ဆင့် လုပ်ဆောင်နေပါတယ်။
လတ်တလောဖြစ်ပွားမှုများတွင် ဒိန်းမတ်နှင့် ဆွီဒင်တွင် ပစ်ခတ်မှုပြုလုပ်ရန် အွန်လိုင်းတွင် စုဆောင်းထားတဲ့ ၁၄ နှစ်သား ဆယ်ကျော်သက်များနှင့် ၂၀၂၅ ခုနှစ်တွင် ဂျာမနီတွင် ဗုံးပေါက်ကွဲမှုများ ဆက်တိုက်ဖြစ်ပွားပြီးနောက် အရွယ်မရောက်သေးသူ နှစ်ဦးကို တင်ပြီးမောင်းပြေးသွားတဲ့ ဒတ်ခ်ျလူမျိုး တစ်ဦး တို့ ဖြစ်ပါတယ်။
စိတ်ကျန်းမာရေး၊ အွန်လိုင်းဘေးကင်းရေးနှင့် စွဲလမ်းစေသော ပလက်ဖောင်းဒီဇိုင်းတို့အပေါ် စိုးရိမ်မှုများ တိုးပွားလာခြင်းကြောင့် အရွယ်မရောက်သေးသူများအတွက် ဆိုရှယ်မီဒီယာကို ကန့်သတ်ရန် ဥရောပတွင် တွန်းအားပေးနေသည့်ကြားမှ အခုလိုကိစ္စတွေ ထွက်ပေါ်လာခြင်းဖြစ်ပါတယ်။
REF: RT
#MNP #News
No comments:
Post a Comment