မေ - ၁၁ ( တနင်္လာနေ့ )
လူကြိုက်များတဲ့ ဟင်းသီးဟင်းရွက်စိမ်းအများအပြားကို စမ်းသပ်လေ့လာပြီးနောက် ကပ်ပါးပိုးတွေနဲ့ ညစ်ညမ်းနေတာကို တွေ့ရှိခဲ့ပြီးနောက် ထုတ်ကုန်များကို ဂရုတစိုက် ဆေးကြောရန်နဲ့ တတ်နိုင်သမျှ အစိမ်းမစားဘဲ ချက်ပြုတ်စားသုံးကြရန် စားသုံးသူများအား ထိုင်း ကျန်းမာရေးတာဝန်ရှိသူများက တိုက်တွန်းနှိုးဆော်ထားပါတယ်။
ဈေးကွက်အတွင်း ရောင်းချလေ့ရှိသော လူကြိုက်များတဲ့ ဟင်းသီးဟင်းရွက်အများအပြားတွင် ကပ်ပါးဥမျာနဲ့ သားပေါက်များကို စမ်းသပ်တွေ့ရှိပြီးနောက် လတ်ဆတ်သော ဟင်းသီးဟင်းရွက်များကို အစိမ်းလိုက်စားသုံးသည့်အခါ အထူးသတိထားရန် ကျန်းမာရေးဆိုင်ရာ ကျွမ်းကျင်သူများက စားသုံးသူများအား တိုက်တွန်းထားပါတယ်။
၂၀၂၆ ပညာရေးအဖွဲ့အစည်းများ နဲ့ ကျန်းမာရေးဌာနတို့မှ သုတေသနပြုထားသော စစ်တမ်း အချက်အလက်များ အရ တရုတ်နံနံ၊ ပူစီနံ နှင့် မြင်းခွာရွက် များတွင် ညစ်ညမ်းမှုနှုန်း အများဆုံးဖြစ်ကြောင်း တွေ့ရှိရပြီး အသုပ်များ၊ အရံဟင်းလျာများနှင့် ထိုင်းအစားအစာများတွင် အစိမ်း စားလေ့ရှိတဲ့ ဟင်းသီးဟင်းရွက်များနဲ့ ပတ်သက်ပြီး စိုးရိမ်ပူပန်မှုများ တိုးလာစေပါတယ်။
သတိပေးချက်က လူများကို ဟင်းသီးဟင်းရွက်စားခြင်း ရပ်သင့်တယ်လို့ ဆိုလိုတာမဟုတ်ဘဲ ဟင်းသီးဟင်းရွက်များ ကို စနစ်တကျဆေးကြောခြင်း၊ ဟင်းသီးဟင်းရွက်များကို တတ်နိုင်သမျှ မချက်ပြုတ်မီ အရွက်များကို ခွဲထုတ်ခြင်းဖြင့် အန္တရာယ်ကို လျှော့ချရန် ကျန်းမာရေးအာဏာပိုင်များက စားသုံးသူများအား အကြံပြုထားပါတယ်။
ကပ်ပါးရောဂါဖြစ်နိုင်ချေကို လျှော့ချရန်အတွက် ထိုင်းနိုင်ငံ၏ ရောဂါထိန်းချုပ်ရေးဌာနသည် လူများအား ကပ်ပါးရောဂါဖြစ်နိုင်ချေကို လျှော့ချရန်အတွက် “ချက်ပြုတ်၊ အပူပေး ၊ ဆေးကြော သန့်ရှင်း”ဆိုတဲ့ နည်းလမ်းကို လိုက်နာရန် အကြံပြုတာပဲ ဖြစ်ပါတယ်။
REF: The Nation
#MNP #News
No comments:
Post a Comment