နတ်မောက်၊ ဇူလိုင် ၁၈
မကွေးတိုင်းဒေသကြီး နတ်မောက်မြို့ အောင်ဆန်းရပ်ကွက်ရှိ ဗိုလ်ချုပ်အောင်ဆန်းနေအိမ်ပြတိုက်တွင် ဇူလိုင် ၁၈ ရက် နံနက် ၇ နာရီက မြို့ပေါ်ရှိဌာနဆိုင်ရာများ စုပေါင်းသန့်ရှင်းရေးများ ပြုလုပ်ခဲ့သည်။
အဆိုပါစုပေါင်းသန့်ရှင်းရေးတွင် မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌနှင့် အဖွဲ့ဝင်များက ကြီးကြပ်ပြီး ဌာနဆိုင်ရာဝန်ထမ်းများ၊ မြို့နယ်စည်ပင်သာယာရေးအဖွဲ့မှ ဝန်ထမ်းများ၊ မြို့နယ်မီးသတ်တပ်ဖွဲ့ဝင်များ၊ မြို့နယ်ရဲတပ်ဖွဲ့ဝင်များက ဗိုလ်ချုပ်အောင်ဆန်းနေအိမ်ပြတိုက် အတွင်း/အပြင်ရှိ အမှိုက်လှည်းခြင်း၊ ပေါင်းမြက်ရှင်းခြင်း၊ သစ်ပင်ခြုံနွယ်များ ခုတ်ထွင်ရှင်းလင်းခြင်းများ စုပေါင်းဆောင်ရွက်ခဲ့ကြပြီး မြို့နယ်စည်ပင်သာယာရေးအဖွဲ့ဝန်ထမ်းများက ပန်းအလှပင်များအား ပုံဖော်၍ ပြုပြင်ဆောင်ရွက်ပေးခဲ့ကြကြောင်း သိရသည်။
လှဝင်း
#News #MNP
No comments:
Post a Comment