ကော့သောင်း၊ နိုဝင်ဘာ ၁
၂၀၂၆ ခုနှစ် အောက်တိုဘာလ ၂၁ ရက်နေ့မှ အောက်တိုဘာလ ၂၉ ရက်နေ့အထိ နေပြည်တော်တွင် ကျင်းပခဲ့သည့် (၂၇) ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး ဗဟိုအဆင့် ပြိုင်ပွဲကြီး၌ တနင်္သာရီတိုင်းဒေသကြီးကိုယ်စားပြုအဖြစ် သွားရောက်ယှဉ်ပြိုင်ခဲ့ကြသည့် ကော့သောင်းခရိုင်မှ အဆိုအကအရေးအတီး ပြိုင်ပွဲဝင်များနှင့် အုပ်ချုပ်သူ၊ နည်းပြများအား ယမန်နေ့ညက ကော့သောင်းလေဆိပ်၌ ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဋ္ဌ ဦးရဲမြတ်တင့်နှင့်တာဝန်ရှိသူများ ဂုဏ်ပြုကြိုဆိုသည်။
(၂၇) ကြိမ်မြောက် မြန်မာ့ရိုးရာယဉ်ကျေးမှု အဆို၊ အက၊ အရေး၊ အတီး ဗဟိုအဆင့် ပြိုင်ပွဲကြီး၌ ကော့သောင်းခရိုင်မှ အခြေခံပညာအဆင့်(၁၀-၁၅)ကဗျာလွတ် အကအဖွဲ့၊ ဝါသနာရှင် ပထမတန်း အတီး(စောင်း) အမျိုးသမီး၊ အခြေခံပညာအဆင့် (၁၀-၁၅) အတီး (စောင်း) အမျိုးသား၊ အမျိုးသမီး၊ ကော့သောင်းခရိုင်မှ အခြေခံပညာအဆင့် (၁၀-၁၅) ကဗျာလွတ် အကအဖွဲ့၊ အခြေခံပညာအဆင့် (၁၀-၁၅) အတီး (စန္ဒရား) အမျိုးသား၊ အခြေခံပညာအဆင့် (၁၀-၁၅) ခေတ်ဟောင်းကာလပေါ် အမျိုးသမီးအဆို၊ အခြေခံပညာအဆင့် (၁၅-၂၀) ခေတ်ဟောင်းကာလပေါ် အမျိုးသမီးအဆို၊ ဝါသနာရှင် ပထမတန်း (အရေး)၊ ဝါသနာရှင် ပထမတန်းအက (အမျိုးသား)တို့ ယှဉ်ပြိုင်ခဲ့ကြရာ ဝါသနာရှင် ပထမတန်း အတီး(စောင်း) အမျိုးသမီး ဒေါ်လွင်မာသိန်း၊ အခြေခံပညာအဆင့် (၁၀-၁၅)အတီး (စောင်း) အမျိုးသား မောင်စိုင်းမောင်ခန့်၊ အခြေခံပညာ အဆင့် (၁၀-၁၅) အတီး (စောင်း) အမျိုးသမီး မမြတ်ဆုသာ တို့က ဗဟိုအဆင့်ရွေတံဆိပ်ဆုများ အသီးသီးရရှိခဲ့ကြောင်း သိရသည်။
#News #Myanmar
No comments:
Post a Comment