စဉ့်ကိုင်မြို့နယ်တွင် အသက်(၅၅)နှစ်အထက် ပြည်သူများအား ကိုဗစ် - ၁၉ ရောဂါ ကာကွယ်ဆေး ဒုတိယ အသုတ် ဒုတိယအကြိမ် (၁၇၂၄၅)ဦးထိုးနှံပေးပြီးဖြစ်

စဉ့်ကိုင်၊ နို၀င်ဘာ ၁၆

မန္တလေးတိုင်းဒေသကြီး၊    ကျောက်ဆည်ခရိုင်၊   စဉ့်ကိုင်မြို့နယ်အတွင်း    အသက်(၅၅)နှစ်အထက် ကိုဗစ်−၁၉ ရောဂါ ကာကွယ်ဆေးကို  ပြည်သူများအား  ဒုတိယအသုတ်၊  ဒုတိယအကြိမ်  ကာကွယ်ဆေးများ ဆက်လက်ထိုးနှံပေးလျက်ရှိရာ  ယမန်နေ့အထိ (၁၇၂၄၅)ဦး   ထိုးနှံပေးပြီး   ဖြစ်ကြောင်းသိရသည်။

ထိုသို ကာကွယ်ဆေးများထိုးနှံပေးရာတွင်  မြို့နယ်ပြည်သူ့ကျန်းမာရေးဦးစီးဌာန၊   ဒုမြို့နယ်ပြည်သူ့ ကျန်းမာရေးဦးစီးဌာနမှူး   ဒေါက်တာသိမ့်အိသူ  (ပြည်သူ့ကျန်းမာ)  နှင့်  ကျန်းမာရေး၀န်ထမ်းများ၊  မြို့နယ် အထွေထွေအုပ်ချုပ်ရေး  ဦးစီးဌာန မှ  ၀န်ထမ်းများ၊    မီးသတ်တပ်ဖွဲ့၀င်များ၊     မြို့နယ်ကြက်ခြေနီသူနာပြု တပ်ဖွဲ့၀င်များ၊ ပရဟိတအသင်းအဖွဲ့၀င်များ၊ ရပ်ကွက်/ ကျေးရွာ အုပ်ချုပ်ရေးမှူးများ ပူးပေါင်း၍  အသက်(၁၈) နှစ်အထက်  ဒုတိယအသုတ် ပထမအကြိမ် နှင့်  အသက်(၅၅)နှစ် အထက် ဒုတိယအသုတ်   ဒုတိယအကြိမ် ကာကွယ်ဆေးများ ဆက်လက် ထိုးနှံပေးခဲ့ကြောင်း သိရသည်။

စဉ့်ကိုင်မြို့နယ်အတွင်း ကိုဗစ်-၁၉ကူးစက်ရောဂါ ကူးစက်  ပြန့်ပွားမှုမဖြစ်စေရေး၊ ကြိုတင်ကာကွယ် တားဆီးနိုင်စေရန်နှင့် ရောဂါကူးစက်မှု လျော့နည်းစေရေးအတွက် သက်ဆိုင်ရာ မြို့နယ်စီမံ အုပ်ချုပ်ရေးအဖွဲ့မှ ကြီးကြပ်၍   ဌာနဆိုင်ရာများ၊ မီးသတ်တပ်ဖွဲ့၀င်များ၊ ရပ်ကွက်/ ကျေးရွာ အုပ်ချုပ်ရေး မှူးများ၊  ပရဟိတအဖွဲ့ ၀င်များနှင့်   ပူးပေါင်းပြီး ပြည်သူများလိုက်နာစေရန်၊   အသံချဲ့စက်များ၊  Hand  Spaker  ဖြင့်  လှည့်လည်ပြီး အသိပညာပေးနှိုးဆော်ခြင်း၊   ရပ်ကွက်/  ကျေးရွာများအတွင်း   ပိုးသတ်ဆေးများ ဖြန်းပေးခြင်း၊   ဒေသန္တာရ စည်းကမ်းချက်များ၊  ကျန်းမာရေး၀န်ကြီးဌာနက ထုတ်ပြန် ထားသော  ညွှန်ကြားချက်များအတိုင်း လိုက်နာမှု ရှိ/မရှိစစ်ဆေးခြင်း  အသိပညာပေး   လုပ်ငန်းများ ဆောင်ရွက်လျက်ရှိပြီး   အသက်(၁၈)နှစ် အထက် ဒုတိယ အသုတ် ပထမအကြိ်မ်   ကာကွယ်ဆေး ထိုးနှံပြီးသူ ယမန်နေ့အထိ (၅၈၈၅)ဦး    ထိုးနှံပေးပြီးဖြစ်ရာ ကျန်ရှိသူများ ကိုလည်း  ဆက်လက် ထိုးနှံပေးသွားမည်ကြောင်း  မြို့နယ်ပြည်သူ့ကျန်းမာရေးဦးစီးဌာနထံက သိရသည်။

https://t.me/MyanmarNationalPost

www.mnpnewsagency.com