မာန်အောင်မြို့နယ်၌ အသက်(၁၈)နှစ်အထက် ပြည်သူများအား စတုတ္ထအသုတ်(ပထမ)အကြိမ်အဖြစ် ကိုဗစ်-၁၉ ကာကွယ်ဆေး ဆက်လက်ထိုးနှံပေးလျက်ရှိ

မာန်အောင်၊ နိုဝင်ဘာ  ၁၄

 ရခိုင်ပြည်နယ်၊ မာန်အောင်မြို့နယ်၌ အသက်(၁၈)နှစ်အထက် ပြည်သူများအား စတုတ္ထအသုတ်(ပထမ)အကြိမ် ကိုဗစ်-၁၉ ကာကွယ်ဆေးကို ယမန်နေ့ နံနက်ပိုင်းက  သတ်မှတ်နေရာများဖြစ်သည့် သစ်ပုံ၊ ကျောက်တန်း ကျေးလက်ကျန်းမာရေးဌာနတို့တွင် ဆက်လက်ထိုးနှံပေးလျက်ရှိကြောင်း သိရသည်။

ထိုသို့ ဆောင်ရွက်ပေးရာတွင် ကာကွယ်ဆေး ထိုးနှံခြင်းမပြုမီ အထွေထွေအုပ်ချုပ်ရေးဦးစီးဌာနမှ ဝန်ထမ်းများက စာရင်းများ မှတ်ယူခြင်း၊ ကျန်းမာရေးဝန်ထမ်းများအားက လာရောက်ထိုးနှံသူများအား ကိုယ်အပူချိန် တိုင်းတာခြင်း၊ သွေးပေါင်ချိန် တိုင်းတာပေးခြင်း၊ ကျန်းမာရေးစစ်ဆေးခြင်းများကို ဆောင်ရွက်ပေးကာ ပုံမှန်အခြေအနေရှိမှသာ စနစ်တကျ ကာကွယ်ဆေး ထိုးနှံပေးပြီး ထိုးနှံပြီးသည့်သူများကို မိနစ် ၃၀ ခန့် အနားယူစေကာ ကာကွယ်ဆေး ထိုးနှံနေမှုများအား ရပ်ကွက်ကျေးရွာ အုပ်ချုပ်ရေးမှူးများနှင့် တာဝန်ရှိသူများက ကူညီဆောင်ရွက်ပေးလျက်ရှိ သည်။

အဆိုပါ အသက်(၁၈)နှစ်ထက် ပြည်သူများအား စတုတ္ထအသုတ် (ပထမ)အကြိမ်အဖြစ် နိုဝင်ဘာ(၁၂)ရက်နေ့တွင် လူဦးရေ (၁၈၄၅) ဦးအား ထိုးနှံပေးခဲ့ပြီး ကျန်ရှိသူများကိုလည်း ဆက်လက်ထိုးနှံပေးသွားမည်ဖြစ်ကြောင်း သိရ သည်။

သတင်း  - သိန်းဖေ(ပြန်/ဆက်)

https://t.me/MyanmarNationalPost

www.mnpnewsagency.com