ဝါးခယ်မ၊ နိုဝင်ဘာ ၁၆
ဧရာဝတီတိုင်းဒေသကြီး၊ မြောင်းမြခရိုင်၊ ဝါးခယ်မမြို့နယ်တွင် အထက်တန်း၊ အလယ်တန်းကျောင်းများရှိ အသက် (၁၂)နှစ်နှင့်အထက်ကျောင်းသား၊ ကျောင်းသူများအား ယနေ့နံနက် (၉)နာရီမှစတင်၍ ဝါးခယ်မမြို့ အမှတ်(၁)အခြေခံပညာ အထက်တန်းကျောင်းအပါအဝင် ဆေးထိုးစုရပ် (၁၀)နေရာ၌ ကာကွယ်ဆေး (ဒုတိယအကြိမ်) ထိုးနှံပေးခဲ့ကြောင်း သိရသည်။
ထိုသို့ ထိုးနှံပေးရာတွင် ကျန်းမာရေးဝန်ထမ်းများ၊ ဆရာ/ဆရာမများ၊ အသင်းအဖွဲ့များ၊ ဌာနဆိုင်ရာများမှ ပူးပေါင်း၍ ကျောင်းသား၊ ကျောင်းသူများ၏ ကျန်းမာရေးများ စစ်ဆေးပေးခြင်း၊ လိုအပ်သည့် အကူအညီများပေးခြင်းများကို ဆောင်ရွက်ခဲ့ကြပြီး ကိုဗစ်-၁၉ စည်းကမ်းများနှင့်အညီ ကာကွယ်ဆေးများ ထိုးနှံပေးခဲ့ကြသည်။ ဝါးခယ်မြို့နယ်တွင် ကာကွယ်ဆေး ပထမအကြိမ် ထိုးနှံပြီးသူ ကျောင်းသား/သူဦးရေမှာ စုစုပေါင်း (၁၂၄၂၂)ဦး ရှိကြောင်း သိရသည်။
သတင်း - စောသန္တာဦး
https://t.me/MyanmarNationalPost
www.mnpnewsagency.com
No comments:
Post a Comment