နောင်ချို၊ နိုဝင်ဘာ ၁၃
ရှမ်းပြည်နယ် (မြောက်ပိုင်း)၊ ကျောက်မဲခရိုင်၊ နောင်ချိုမြို့နယ် အခြေခံပညာကျောင်းများရှိ ပညာရေး ဝန်ထမ်းများနှင့် ဝန်ထမ်း မိသားစုများအား ကိုဗစ်-၁၉ရောဂါပိုး ရှိ/မရှိ Tesk kit ဖြင့်စစ်ဆေးခြင်းကို ယမန်နေ့က နောင်ချိုမြို့ အ.ထ.က(၁)၌ စစ်ဆေးခဲ့ ကြောင်း သိရသည်။
စစ်ဆေးရာတွင် မြို့နယ်အထွေထွေအုပ်ချုပ်ရေး ဦးစီးဌာန၊ မြန်မာနိုင်ငံရဲတပ်ဖွဲ့၊ ကျန်းမာရေး ဌာန၊ ဌာနဆိုင်ရာများ၊ ပရဟိတ အဖွဲ့များ ပါဝင်သော အဖွဲ့များပူးပေါင်း၍ နောင်ချိုမြို့ အ.ထ.က(၁)၌ ပညာရေးဝန်ထမ်း နှင့်ဝန်ထမ်းမိသားစု (၃၇၁) ဦးကို စစ်ဆေး ခဲ့ရာ (၅)ဦး၌ ကိုဗစ်-၁၉ရောဂါ တွေ့ရှိခဲ့ကြောင်း မြို့နယ်ကိုဗစ်-၁၉ရောဂါ ကာကွယ်ထိန်းချုပ်ရေး ကော်မတီထံမှ သိရသည်။
အဆိုပါ ပိုးတွေ့လူနာများအား နောင်ချိုမြို့နယ် ပြည်သူ့ဆေးရုံတွင် ကြပ်မတ်ကုသ ထားရှိကြောင်းနှင့် မကြာမှီကျောင်းများ ပြန်လည် ဖွင့်လှစ်ရာတွင် ဆရာ၊ ဆရာမများ ကိုဗစ်-၁၉ ရောဂါ ကင်းရှင်းစွာဖြင့် ပညာသင်ကြားရေးလုပ်ငန်းများကို ဆောင်ရွက်နိုင်စေရန် ရည်ရွယ်၍ မြို့နယ်အတွင်းရှိ အခြေခံပညာကျောင်းများမှ ပညာရေးဝန်ထမ်းနှင့် ဝန်ထမ်း မိသားစုများအား စစ်ဆေးရခြင်း ဖြစ်ကြောင်း မြို့နယ်ကိုဗစ်-၁၉ ရောဂါ ကာကွယ် ထိန်းချုပ်ရေး ကော်မတီထံမှ သိရသည်။
သတင်း - ထွေးငယ်၊(ပြန်/ဆက်)
https://t.me/MyanmarNationalPost
www.mnpnewsagency.com
No comments:
Post a Comment