ဆင်ပေါင်ဝဲ၊ ဒီဇင်ဘာ ၁၇
မကွေးတိုင်းဒေသကြီး၊ သရက်ခရိုင်၊ ဆင်ပေါင်ဝဲ မြို့နယ်ကျန်းမာရေး ဦးစီးဌာနမှ ၂ နှစ်အောက် ကလေးငယ်များအား ပုံမှန်ကာကွယဆေးထိုး၊ ဆေးတိုက်ခြင်းကို ယနေ့နံနက် ၈ နာရီက မြို့နယ် ပြည်သူ့ဆေးရုံတွင် စတင်ဆောင်ရွက် ပေးလျက် ရှိကြောင်း သိရသည်။
ထိုသို့ဆောင်ရွက်ရာတွင် မြို့နယ်ကုသရေးဦးစီး ဌာနမှူးဒေါက်တာမွန်စိုးရီ၏ကြီးကြပ်မှုဖြင့် ကျန်းမာရေး ဝန်ထမ်းများက မွေးကင်းစမှ အသက်တစ်နှစ်ခွဲအထိ ကလေးငယ်များအား အသည်းရောင် အသားဝါ၊ ဆုံဆို့ကြက်ညှာ၊ မေးခိုင် ဦးနှောက်အမှေးရောင် (ငါးမျိုးစပ် ကာကွယ်ဆေး) ပြင်းထန်ဝမ်းပျက် ဝမ်းလျှော(ရိုတာဗိုင်းရပ်ကာ ကွယ်ဆေး)၊ ပြင်းထန်အဆုပ်ရောင် (ပီဗွီစီ)၊ ဝက်သက်၊ ဂျိုက်သိုးရောဂါစသည့် ကာကွယ်ဆေးများကို တိုက်ကျွေးပေးခဲ့ကြသည်။
အဆိုပါကာကွယ်ဆေးထိုး၊ ဆေးတိုက်ကျွေးခြင်း လုပ်ငန်းများ ဆောင်ရွက်ရာတွင် ကျန်းမာရေး ဝန်ကြီးဌာနမှ ထုတ်ပြန်ထားသော ကိုဗစ်-၁၉ရောဂါ ကာကွယ်ရေး လမ်းညွှန်ချက်များနှင့်အညီ ဆောင်ရွက်ပေးခြင်းဖြစ်ကြောင်း ကျန်းမာရေး ဦးစီးဌာနမှ သိရသည်။
သတင်း - နိုင်လင်း(ပြန်/ဆက်)
https://t.me/MyanmarNationalPost
www.mnpnewsagency.com
No comments:
Post a Comment