ပန်းတောင်းမြို့နယ်တွင် မြစိမ်းရောင် ကျေးရွာစီမံကိန်းနှင့် ကျေးရွာဖွံ့ဖြိုးတိုးတက်ရေး လုပ်ငန်းစီမံကိန်း ရန်ပုံငွေလွှဲပြောင်းပေးအပ်ပွဲ အခမ်းအနားကျင်းပ

ပန်းတောင်း၊ ဒီဇင်ဘာ  ၈

ပဲခူးတိုင်းဒေသကြီး၊ ပြည်ခရိုင်၊ ပန်းတောင်းမြို့နယ် မြစိမ်းရောင် ကျေးရွာစီမံကိန်းနှင့် ကျေးရွာဖွံ့ဖြိုးတိုးတက်ရေး လုပ်ငန်းစီမံကိန်း ရန်ပုံငွေလွှဲပြောင်းပေးအပ်ပွဲ အခမ်းအနားကို ယမန်နေ့နံက်ပိုင်းက ကျေးလက်ဒေသ ဖွံ့ဖြိုးတိုးတက်ရေးဦးစီးဌာန အစည်းအဝေး ခန်းမတွင် ကျင်းပပြုလုပ်ခဲ့ကြောင်း သိရသည်။

ထိုအခမ်းအနားတွင် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ ကျေးရွာဖွံ့ဖြိုး တိုးတက်ရေး လုပ်ငန်းစီမံကိန်း စီမံကိန်း(VDP)နှင့် မြစိမ်းရောင်ကျေးရွာ စီမံကိန်းအား အကောင်အထည်ဖော် ဆောင်ရွက်လျက်ရှိရာ ၂၀၂၁-၂၀၂၂ (ပ) ၆လ ဘဏ္ဍာ‌ရေးနှစ်တွင်၊ ကျေးရွာဖွံ့ဖြိုးတိုးတက်ရေး လုပ်ငန်းစီမံကိန်း ကျေးရွာ (၄)ရွာ၊ ငွေကျပ်သန်း (၄၀)၊ မြစိမ်းရောင်ကျေးရွာစီမံကိန်း ကျေးရွာ(၂)ရွာတို့အတွက် သန်း(၆၀)၊ စုစုပေါင်းငွေကျပ် သန်း(၁၀၀)ကို ကော်မတီများထံသို့ အသီးသီး လွှဲ‌ပြောင်းပေးအပ်ခဲ့ကြောင်း သိရသည်။

အဆိုပါ အခမ်းအနားသို့ ပန်းတောင်းမြို့နယ် အထွေထွေအုပ်ချုပ်ရေး ဦးစီးဌာန၊ မြို့နယ် အုပ်ချုပ်ရေးမှူး ဦးအောင်သူရမှ အဖွင့်အမှာစကား‌ ပြောကြားခဲ့ပြီး၊ မြို့နယ်ဦးစီးမှူး ဦးထွန်းသန်းဇော်မှ တက်ရောက်လာသော မြို့နယ်မြစိမ်းရောင်ကျေးရွာ စီမံကိန်း အကောင်အထည်ဖော်ရေး လုပ်ငန်းကော်မတီဝင်များ၊‌ ကျေးရွာဖွံ့ဖြိုးတိုးတက်ရေး လုပ်ငန်းစီမံကိန်း ကော်မတီဝင်များနှင့် မြစိမ်းရောင်ကျေးရွာစီမံကိန်း ကော်မတီဝင်များအား အခမ်းအနား ပြုလုပ်ရခြင်းအကြောင်း၊ ကျေးရွာအတွင်း ဆောင်ရွက်ရမည့် စီမံကိန်း လုပ်ငန်းများနှင့် ပတ်သက်၍ အကျယ်တဝင့် ရှင်းလင်းပြောကြားခဲ့ကြောင်း သိရသည်။

သတင်း - သင်းသင်းအေး

https://t.me/MyanmarNationalPost

www.mnpnewsagency.com