ငါးသိုင်းချောင်းမြို့၌ ကိုဗစ်-၁၉ ရောဂါ ကာကွယ်ဆေး ဆက်လက်ထိုးနှံပေးလျက်ရှိ

ငါးသိုင်းချောင်း၊ ဒီဇင်ဘာ    ၂၉

ဧရာဝတီတိုင်းဒေသကြီး၊ ပုသိမ်ခရိုင်၊ ငါးသိုင်းချောင်းမြို့၊ အမျိုးသားခန်းမ ကိုဗစ်-၁၉ ရောဂါကာ ကွယ်ဆေးထိုးစုရပ်၌ ယနေ့နံနက် ပိုင်းကဒေသခံပြည်သူများသို့ ဦးစားပေးဦးတည်အုပ်စုများအလိုက် ကိုဗစ်-၁၉ ရောဂါ ကာကွယ်ဆေး(ပထမအကြိမ်) ဆက်လက် ထိုးနှံဆောင်ရွက်ပေးလျက်ရှိကြောင်း သိရသည်။

ထို့အပြင် ဒီဇင်ဘာလ ၁ ရက်နေ့ နှင့် ရှေ့ပိုင်း (ဒုတိယအကြိမ်)ကာကွယ်ဆေးထိုးနှံရန် သတ်မှတ် ရက်ပြည့်သူများကိုလည်း တစ်ပြိုင်တည်း ထိုးနှံဆောင်ရွက်ပေးလျက်ရှိပြီး ကာကွယ်ဆေးထိုးနှံပြီးစီးကြောင်း သက်သေခံလက်မှတ်များကိုလည်း ထုတ်ပေး လျက်ရှိကြောင်းသိရသည်။

အဆိုပါ ကိုဗစ်-၁၉ ရောဂါ ကာကွယ်ဆေးထိုးနှံရာ၌ သက်ဆိုင်ရာမြို့အဆင့် ကိုဗစ်-၁၉ ရောဂါထိန်းချုပ်ရေးနှင့် အရေးပေါ်တုန့်ပြန် ရေးကော်မတီ၊ ဌာနဆိုင်ရာများ၊ ကျန်းမာရေးဌာန၊ ကြက်ခြေနီသူနာပြုတပ်ဖွဲ့၊ စေတနာ့ဝန်ထမ်းများ၊ လူမှုရေးအသင်းအဖွဲ့ဝင် များကကာကွယ်ဆေးထိုးနှံရာ၌ အဆင်ပြေချောမွေ့‌စေရန် ဝိုင်းဝန်းကူညီဆောင်ရွက်ပေးလျက်ရှိပြီး ယနေ့နံနက်ပိုင်းအထိ အဆိုပါ ဆေးထိုးစုရပ်၌ ကိုဗစ်-၁၉ ရောဂါ ကာကွယ်ဆေး(ပထမအကြိမ်) ထိုးနှံပြီးစီး သူ(၈၅၀၄)ဦး ရှိပြီဖြစ်ကြောင်း သိရှိရသည်။

သတင်း - စိုးမင်းဦး                   

https://t.me/MyanmarNationalPost

www.mnpnewsagency.com