MNP - ဇန်နဝါရီ ၂၉
ရခိုင်ပြည်နယ်၊ ရမ်းဗြဲမြို့နယ်၌ အကြမ်းဖက်အဖွဲ့အအစည်းများ၏ နိုင်ငံတော်တည်ငြိမ်အေးချမ်းရေးကို
ပျက်ပြားစေရန်ရည်ရွယ်လျက် လှုံ့ဆော်ဝါဒဖြန့်မှုများတွင် ရမ်းဗြဲမြို့နယ်အတွင်းရှိပြည်သူများအနေဖြင့် လိုက်ပါလုပ်ဆောင်မိပါက ဥပဒေအရအရေးယူခံရနိုင်သဖြင့် ပါဝင်ပတ်သက်ခြင်းမရှိစေရန်နှင့် အစိုးရ၏ သတင်းထုတ်ပြန်ချက်များကိုပြည်သူများ ကျယ်ကျယ်ပြန့်ပြန့်သိရှိနိုင်စေရန်အတွက် အသိပညာပေး လက်ကမ်းစာစောင်များဖြန့်ဝေခြင်းကို ယမန်နေ့ ညနေ ၃ နာရီအချိန်က ဆောင်ရွက်ခဲ့ကြကြောင်းသိရသည်။
ထိုသို့ဆောင်ရွက်ရာတွင် ရမ်းဗြဲမြို့နယ်၊ အထွေထွေအုပ်ချုပ်ရေးဦးစီးဌာနမှဦးဆောင်ပြီး သက်ဆိုင်ရာဌာနဆိုင်ရာဌာနများမှ ပူးပေါင်းဆောင်ရွက်ခဲ့ကြပါသည်။
အဆိုပါပူးပေါင်းအဖွဲ့သည် အစိုးရ၏သတင်းထုတ်ပြန်ချက်အသိပညာပေးလက်ကမ်းစာစောင်များကို ရမ္မာဝတီမြို့မဈေး၊ ရမ္မာဝတီအဝေးပြေးကားဝင်းနှင့် မြို့ပေါ်ရပ်ကွက်များအတွင်းရှိလူစည်ကားရာ လမ်းဆုံ လမ်းခွနေရာများသို့ သွားရောက်ပြီး ဖြန့်ဝေပေးခဲ့ကြကြောင်းသိရသည်။
သတင်း - အောင်နိုင်
https://t.me/MyanmarNationalPost
www.mnpnewsagency.com
No comments:
Post a Comment