MNP - ဖေဖော်ဝါရီ ၁၅
ရခိုင်ပြည်နယ်၊ စစ်တွေခရိုင်၊ ပေါက်တောမြို့နယ်တွင် ကိုဗစ်-၁၉ ရောဂါ ကာကွယ်ဆေး Covid Shield နှစ်ကြိမ်ထိုးနှံထားပြီးသော နိုင်ငံ့ဝန်ထမ်းများအား ထပ်ဆောင်းကိုဗစ်-၁၉ ကာကွယ်ဆေး Booster Dose ထိုးနှံပေးခြင်းကို ယမန်နေ့နံနက် ၉ နာရီက မြို့နယ်သာသနာ့ဗိမာန်၌ ဆက်လက် ထိုးနှံပေးခဲ့ကြောင်း သိရ သည်။
ထိုသို့ ကာကွယ်ဆေးထိုးနှံခြင်းကို မြို့နယ်စီမံအုပ်ချုပ်ရေးအဖွဲ့ဝင်များ လာရောက်ကြည့်ရှုအားပေး ကြသည်။ ကာကွယ်ဆေးထိုးနှံခြင်းမပြုမီ ပေါက်တောမြို့နယ် ပြည်သူ့ကျန်းမာရေးဦးစီးဌာနမှူး ဒေါက်တာကိုကိုအောင် ကြီးကြပ်မှုဖြင့် ကျန်းမာရေးဝန်ထမ်းများက ကိုဗစ်-၁၉ကာကွယ်ဆေး Booster Dose ကို ကျန်းမာရေး ဝန်ကြီးဌာန၏ သတ်မှတ်စည်းကမ်းချက်များနှင့်အညီ ဆေးမထိုးမီ ကိုယ်အပူချိန်တိုင်းတာခြင်း၊ သွေးပေါင်ချိန်တိုင်းခြင်း စသည့်ကျန်းမာရေးစစ်ဆေးမှုများ ဆောင်ရွက်ပြီး ကာကွယ်ဆေးထိုးနှံပြီးသူများကို မိနစ် ၃၀ ခန့်စောင့်ကြည့်ကာ ကာကွယ်ဆေးထိုးနှံပေးလျက် ရှိသည်။
ပေါက်တောမြို့နယ်တွင် ကိုဗစ်-၁၉ ရောဂါကာကွယ်ဆေး ထပ်ဆောင်း Booster Doseကို ယနေ့ ဖေဖော်ဝါရီလ(၁၄)ရက်နေ့တွင် နိုင်ငံ့ဝန်ထမ်း(၆၀)ဦး လာရောက်ထိုးနှံခဲ့ကြပြီး၊ ယနေ့အထိကိုဗစ်-၁၉ ရောဂါကာကွယ်ဆေး Booser Dose ထိုးနှံသူ နိုင်ငံ့ဝန်ထမ်းစုစုပေါင်း (၇၁၇)ဦးထိုးနှံခဲ့ပြီး၊ ကျန်ရှိ နိုင်ငံ့ဝန်ထမ်း များကို ဆက်လက်ထိုးနှံပေးသွားမည်ဖြစ်ကြောင်း သိရသည်။
မြန်မာနေရှင်နယ်ပို့စ်
No comments:
Post a Comment