MNP - မတ် ၂၃
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ သီပေါမြို့နယ် မြန်မာ့စီးပွားရေးဘဏ်တွင် အငြိမ်းစားပင်စင်စားများ၏ ပင်စင်လစာ ငွေများကို မတ်လ ၂၁ ရက်နေ့ နံနက်ပိုင်းမှစတင်၍ ဘဏ်ဝန်ထမ်းများက ကိုဗစ်-၁၉ရောဂါ ကာကွယ်ရေးနည်းလမ်းများနှင့်အညီ ထုတ်ပေးလျက်ရှိရာ ယနေ့နံနက်ပိုင်းတွင်လည်း ပုံမှန်ဆက်လက်ထုတ်ပေးလျက်ရှိကြောင်းသိရသည်။
၂၀၂၂ခုနှစ်၊ မတ်လအတွက် ပင်စင်လစာငွေများကို မတ်လ ၂၁ ရက်နေ့ မှ ၃၀ ရက်နေ့အထိ နံနက် ၇ နာရီမှ မွန်းလွဲ၂နာရီ အတွင်းဘဏ်ဖွင့်ရက်များတွင် ထုတ်ပေးခြင်းဖြစ်ကြောင်း၊ အဆိုပါရက်များတွင် လာရောက်ထုတ်ယူနိုင်ခြင်း မရှိပါက ဧပြီလ လဆန်းပိုင်းတွင် ထပ်မံထုတ်ပေးသွားမည်ဖြစ်ကြောင်း၊ သီပေါမြို့နယ်တွင် အငြိမ်းစားပင်စင်လစာငွေ ထုတ်ယူသူဦးရေ (၁၂၆၀)ဦးရှိပြီး၊ ယနေ့နံနက်ပိုင်းအထိ လူဦးရေ(၄၅၀)ဦးခန့်ထုတ်ပေးပြီးဖြစ်ကြောင်းနှင့် ကိုယ်တိုင်လာရောက် ထုတ်ယူ နိုင်ခြင်း မရှိသူများအနေဖြင့် မိသားစုဝင်တစ်ဦးမှ ကိုယ်စားလှယ်လွှဲစာဖြင့် ကိုယ်စားထုတ်ယူနိုင်ကြောင်း မြို့နယ်မြန်မာ့စီးပွားရေးဘဏ် မန်နေဂျာထံမှ သိရသည်။
သတင်း - ခင်လေး
မြန်မာနေရှင်နယ်ပို့စ်
No comments:
Post a Comment