MNP - မတ် ၁၇
ရှမ်းပြည်နယ်(တောင်ပိုင်း) လွိုင်လင်ခရိုင်၊ ကွန်ဟိန်းမြို့၌ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ မြို့နယ်လူမှုဝန်ထမ်းဦးစီးဌာနမှ ကိုယ်ဝန်ဆောင်မိခင်များနှင့် အသက်(၂)နှစ်အောက် ကလေးများအားထောက်ပံံ့ငွေပေးအပ်ပွဲကို ယမန်နေ့ မွန်းလွှဲ (၃:၀၀)နာရီအချိန်က အထွေထွေအုပ်ချုပ်ရေးဦးစီးဌာနရုံး၊ အစည်းအဝေးခန်းမ၌ ဆောင်ရွက်ခဲ့ကြောင်း သိရသည်။
ရှေးဦးစွာ မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ၊ မြို့နယ်အုပ်ချုပ်ရေးမှူး ဦးဝင်းနိုင်က အဖွင့်အမှာစကားပြောကြားခဲ့ပါသည်။ယင်းနောက် မြို့နယ်လူမှုဝန်ထမ်းဦးစီးဌာန၊ ဦးစီးအရာရှိ ဒေါ်လှိုင်ဇင်ဝင်း က ထောက်ပံ့ငွေပေးအပ်ခြင်းနှင့် ပတ်သက်၍ ရှင်းလင်းပြောကြားခဲ့ပါသည်။ ထောက်ပံ့ငွေများသည် ၂၀၂၁-၂၀၂၂ ဘဏ္ဍာနှစ် မီနီဘတ်ဂျတ် (အောက်တိုဘာ၊ နိုဝင်ဘာ၊ ဒီဇင်ဘာ)လအတွက် ပေးအပ်ခြင်းဖြစ်ပြီး တာဝန်ရှိသူများ ကရပ်ကွက်/ကျေးရွာအုပ်စု အုပ်ချုပ်ရေးမှူးများနှင့် စာရေးဝန်ထမ်းများထံသို့ ပေးအပ်ခဲ့သည်။ ထောက်ပံ့ငွေများကို ကွန်ဟိန်းမြို့နယ်(ကာလိမြို့)အပါအဝင်နှင့် ကျေးရွာအုပ်စုများအတွင်းရှိ အသက်(၂)နှစ်အောက် ကလေးငယ် (၅၄၈)ဦးနှင့် ကိုယ်ဝန်ဆောင်မိခင်များ(လအလိုက်)တစ်ဦးလျှင် သတ်မှတ်နှုန်းဖြင့် (၇၁၈)ဦး၊ စုစုပေါင်းထောက်ပံ့ငွေကျပ် (၅၆၃၄၀၀၀၀/-) ကို ပေးအပ်ခဲ့ပါသည်။
အဆိုပါ ထောက်ပံ့ငွေများအား ရပ်ကွက်/ကျေးရွာအုပ်စုအုပ်ချုပ်ရေးမှူးများမှ ကိုယ်ဝန်ဆောင်မိခင်များနှင့် အသက်(၂)နှစ်အောက်ကလေးငယ်များထံသို့ လက်ဝယ်အရောက်ထောက် ပံ့ပေးသွားမည်ဖြစ်ကြောင်း သိရသည်။
သတင်း - ပြည့်
မြန်မာနေရှင်နယ်ပို့စ်
No comments:
Post a Comment