MNP - မတ် ၂
စစ်ကိုင်းတိုင်းဒေသကြီး၊ ကလေးခရိုင်၊ မင်းကင်းမြို့ ကားကြီးဝန်းအနီး၌မြို့တော်ခန်းမ တည်ဆောက်နေပြီဖြစ်ကြောင်း သိရသည်။
ဆက်လက်၍ငွေကြယ်ပွင့် ဆောက်လုပ်ရေးကုမ္ပဏီမှ ၂၂၉ ဒသမ ၅ ကျပ်သန်းဖြင့် လေလံတင် အောင်မြင်ပြီး တည်ဆောက်ခဲ့ရာ ဆက်လက်လုပ်ဆောင်ခြင်းမရှိဘဲ ပြန်လည်အပ်နှံသဖြင့် မြို့နယ် စည်ပင်သာယာရေး ကော်မတီအဖွဲ့မှ တာဝန်ယူတည်ဆောက်နေပြီ ဖြစ်သည်။
အဆိုပါ ခန်းမမှာ အလျား ၁၇၄ ပေ၊ အနံ ၈၀ ပေ၊ အမြင့် ၂၂ ပေဖြစ်ပြီး ၂၀၁၉-၂၀၂၀ ဘဏ္ဍာနှစ်တွင် ကျပ်သိန်း ၁၀၀၀၊ ၂၀၂၁-၂၀၂၂ ဘဏ္ဍနှစ်တွင်လည်း ကျပ်သိန်း ၁၀၀၀ နှင့်(၉)ပင် (၁၃)ပင် သံကူကွန်ကရစ် အဆောက်အဦဖြစ်ရာ ယခုအချိန်၌ ၅၀% ပြီးစီးနေပြီဖြစ်ကြောင်း မြို့နယ်စည်ပင်သာယာ ကြီးကြပ်ရေး ကော်မတီအဖွဲ့ရုံး တာဝန်ရှိသူတစ်ဦးထံမှသိရှိရသည်။
သတင်း - လှငွေ
မြန်မာနေရှင်နယ်ပို့စ်
No comments:
Post a Comment